早前去左黃大仙新開既炑八韓烤食晚餐,之前聽過佢地既牛肉質素不錯,最多人推薦更係佢地既午餐set,聞說相當抵食! 據說「炑八」不同分店會有不同的主題,黃大仙店便以珍貴的韓牛作主打。係香港可以食到韓牛的地方不多,炑八讓大家又有多個選擇,另外仲有分店限定的韓牛拼盤和飲品。目測黃大仙中心正在裝修,很多地方都圍晒板,幸好都算容易找到。 原文網址: http://connie-hk.com/meokbang-korean-bbq-wts 點擊圖片放大 黃大仙店的環境很闊落,坐位很多,由小樓梯連接著上下兩層,裝潢都走著年輕活力的感覺! 還放有這裡用上的韓牛品種「短角金毛韓牛」的假·真身。 坐下後先上幾碟韓式開胃前菜,泡菜、海帶、酸蘿蔔和大豆芽都可續加。 仲有食落新鮮的芝麻醬雜菜沙律。 小妹鍾意炑八既泡菜蛋同芝士粟米可以無限添加,岩晒我倆都係芝士控,可以食到飽,芝士粟米烤到個底脆脆地就最好食。 (餐牌在文末) Strawberry Tower $68 其中一樣指定分店既飲品就係呢杯草莓塔,賣相好似韓國過江龍百幾蚊一杯個間鮮果沙冰店,可以當飲品又可以當甜品食,不過呢度只係$68,如果成粒草莓都係紅色會更吸晴! 成杯飲品最底係草莓沙冰,中層同頂層係忌廉和新鮮草莓,只係最上層的草莓不夠紅潤,仲見到唔少青色位,如果唔係一定仲靚架!草莓食落亦比想像中甜,沙冰味道算天然,係甜度較高,男人話好甜喎。 海洋特飲 $38 男人點了這杯望到都解暑既藍色海洋特飲,視覺效果都幾靚,飲落係荔枝味果汁加雲呢拿雪糕,清涼解渴。 韓牛珍貴部位拼盤 $568 (貝身肉、西冷扒、肩押肉,牛五花肉) 每片韓牛都色澤紅潤,看到上面那油脂均勻的油花嗎?!好吸引啊,而且擺盤都擺得好靚。每款韓牛有四片,貴精不貴多,我地兩個人食晒都幾飽架! 貝身肉係四種肉之中小妹覺得最好食,咬落肉質爽口幼嫩,牛味最明顯,真心推薦! 肩押肉明顯較厚身,牛味無咁濃,肉質相對會帶點咬口,但都好易咬開。 牛五花肉對比另外三款會略韌,因當中有筋位較有嚼勁,會愈嚼愈香。 1++韓牛巨大牛小排(需預約)$188 韓牛分為五個等級,1++、1+、1、2、3,1++視為最高級的韓牛。這塊巨大牛小排分量一點都不小,接近鋪滿一個大銀碟,而且肉上的雪花紋理很細緻。由於太大塊,所以用較剪將牛小排一開二,再將兩面輕輕一烤便可。咬落肉質軟嫩,也充滿著肉汁,富牛香,感覺滿足! 芝士溶岩飯 $128 將雞蛋、炒飯同芝士送上後,會有專人係你面前落料,泡菜炒飯再落埋蛋漿同芝士圍邊一齊炒呀炒,仲有芝士勁牽絲,成個過程好吸引,望望下仲幾似納豆! 食落芝士味唔算重,以營造效果為主,不過泡菜味就相當濃烈,帶微微辣又很惹味,不知不覺間會愈食愈多。 部份餐牌↓ ※本文以用餐當日的環境、服務和食物質素為準,口味亦因人而異,文章只作參考之用。 炑八韓烤 MeokBang Korean BBQ & BAR | FACEBOOK IG 地址: 黃大仙正德街103號黃大仙中心南館LG01號舖 電話: 2617 1363 營業時間: -