荃灣新開不久的甜品店,上網睇到竟然有靚靚厚鬆餅食,價錢仲要相當親民。 星期一去遇著例休食左閉門羹,星期二去終食到喇!店子就係拉麵台風後面條街,是有點隱閉,好彩個邊行慣行熟,一搵地圖就知係邊個位。 原文網址: http://connie-hk.com/aroma-dessert-cafe 餐廳環境不大,簡約的裝潢和細緻裝飾,文青路線,係而家開Cafe不能缺少的。 餐點部分選擇多,大致分為班戟、心太軟、窩夫、燉蛋、火焰雪山、芭菲、梳乎里等。(餐牌在文末) 梳乎里Pancake $48 Pancake係即叫即整,隱約聽到廚房內發打材料的聲音,讓小妹好期待啊! 等左一陣呢個兩層的梳乎里Pancake終於上檯嚕,由兩塊厚Pancake疊砌成,上面放左球香草雪糕,仲有少許藍莓、士多啤梨和朱古力醬等作點綴,賣相美美的,所以都影左唔少相片。 仍帶著微熱的Pancake口感幾鬆軟,質感頗似海綿蛋糕係真既,但又無蛋糕咁飽滯,又唔似K11個間咁空氣感,食落蛋香味幾突出,真心覺得幾好食! 而且價錢親民,後黎都有再去二訪。 紅豆抹茶厚Pancake $48 覺得原味班戟唔錯,後黎再加單試多個抹茶味的,兩件班戟上鋪了一層綿綿的紅豆和綠茶雪糕。 食落有天然清幽的抹茶香,不甘澀,但就缺少了抹茶那種回甘的味道,所以還是較愛原味,蛋香比較明顯。 焙茶心太軟 $55 小妹係心太軟控,見到這裡除了有慣常食開既朱古力同抹茶味外,仲有焙茶味揀,所以就決定試下。 擺盤都幾靚架,仲跟左球味道頗香的綠茶雪糕!心太軟焗得外脆內軟,切落去相當流心,焙茶味都很甘香不過甜,男人都話好食! ※本文以用餐當日的環境、服務和食物質素為準,口味亦因人而異,文章只作參考之用。 Aroma Dessert Cafe 地址: 荃灣鱟地坊38-46號祐強樓地下42號舖 (港鐵荃灣站 A1 出口, 步行約6分鐘) 電話: 6433 7787 營業時間: 星期二至五: 15:00-22:30 星期六至日: 14:00-23:00 星期一: 休息 部份餐牌↓