要講到元朗區有質素的西餐確實唔多,其中一間必定係Chef'Stage Kitchen,已經係第三次到訪了,仲記得同男人既婚後第二日都係黎呢度食左個美味的brunch。 原文網址: http://connie-hk.com/chefs-stage-kitchen 點擊圖片放大 餐廳的環境頗大,在元朗區來說座位算多了;帶有工業風的裝潢,樓底高,配上一些綠色的植物,感覺令人放鬆。今次黎食晚餐剛好係萬聖節當天,餐廳佈置得很有氣氛,店員們身上都配戴上小掛飾,當晚的氣氛真的很濃郁又興奮! 每張檯上也放了一樽玻璃瓶水,內有薄荷葉呢。 餐點有頭盤、湯、沙律、意粉/意大利飯、漢堡、主菜(牛扒、羊鞍、豬手等)、甜品,還有法國空運的生蠔拼盤等,選擇頗多。意粉、漢堡和主菜類加$38便可轉套餐,包湯/沙律、飲品。 (餐牌在文末) 先來一盤鬆軟的香草麵包配自家製沙律醬,初時食落還以為係蕃茄意大利麵,因為有蕃茄那種酸的味道,但細明下就是普通的香草麵包,好食! 點了兩杯無酒精的Mocktails $68/each,Punchy Punch (Orange+Pineapple+Cranberry)和Princess Heart (Strawberry Purée+Orange+Sprite) 兩杯都幾重果汁味架,係甜度稍高了點,味道都可以。 柚子沙律 平時唔愛食沙律的小妹,覺得呢款沙律味道很清新,黑醋沙律菜上配有數片清甜多汁又不酸的西柚肉,愈食愈開胃。 黑松露牛肝菌蘑菇濃湯(單點 $58) 湯的質感打得細滑,牛肝菌味道很香濃,配上陣陣松露香,好飲! 墨西哥芝士焗玉米片 $78 份量頗多的墨西哥脆片,配上車打芝士、酸忌廉、Guacamole(墨西哥酪梨醬)、墨西哥辣椒、橄欖等,醬料夠多,會忍唔住一塊接一塊,係一款簡單惹味既小食! 炭燒厚切美國天然極黑毛豬鞍扒 $188 近來愈來愈喜歡食豬鞍,簡單的烹調方法,肉的味道已經很突出,咬落富肉汁,肉質帶點爽,味道不錯。 炭燒美國頂級1855西冷牛扒伴薯菜 $248 牛扒可選配牛肝菌汁、燒汁式雜胡椒汁。 印上網紋的牛扒特別吸引,點了五成熟,切開牛扒中心呈粉嫩色,食落牛味頗濃,如肉質咬落可再鬆化點就更好! 跟餐的焗薯和配菜味道都好好,配菜食落惹味開胃。 自家製意大利芝士餅 $58 (套餐+$25) 好鍾意食呢種上面鋪左一大片以Mascarpone cheese同淡忌廉打成既芝士層,食落質感輕盈,口感綿綿的帶陣陣咖啡香,小妹覺得很·好·食,大力推薦! Chef's Stage Kitchen 地址: 元朗西菁街23號富達廣場52-55號地舖 電話: 2799 9880 餐牌部份↓