這天放工後與同事們來了位於尖沙咀厚福街的H8先來個多國菜晚餐,再到金馬倫道食抹茶甜品!H8的餐廳真的很多,但原來有滿多間都食過了,所以便來到了BEL CIBO試一試他們的晚餐。 原文網址: http://connie-hk.com/bel-cibo-seafood-bar 點擊圖片放大 +3 餐廳環境以黑色和灰色作主調,有數個可以望窗的大卡位,滿闊落的坐得很舒服!臨近聖誕,餐廳已佈置了不少聖誕裝飾,很有氣氛呢! 店員附上的餐牌,圖文並茂充滿色彩的,看上去很多菜式都好吸引!食物主要分為沙律、頭盤、湯、主菜、薄餅、意粉和甜品等。 (主餐牌在文末) Floris $68 餐廳有供應不同口味的手工啤,每款約$68,很貼心的可以試岩味道先叫。與友人都分別試了蘋果、芒果和蜜糖口味的手工啤,連不好啤酒的小妹都覺頗易入口,入口不苦,水果口味的會有陣陣清幽果香,蜜糖味的會比較香甜一點。 Lime & Green Apple Fruit Soda $58 檸檬梳打內配有一枝有青蘋果醬在內的針筒讓客人自行加上,頗過癮的,味道就是平常的糖漿x梳打。 同事點的Mango Smoothie $58 巴馬火腿伴蜜瓜 $108 軟嫩的巴馬火腿和蜜瓜一向是絕配,淋上清甜的蜜糖後,更能突出巴馬火腿的鹹香,好食! 香辣燒焗豆腐 $68 豆腐面頭加上燒汁、醬油、沙律醬和七味粉一齊燒焗過的,豆腐入口十分嫩滑,沙律醬味道很明顯,亦帶來燒焗過的惹味感,小妹很喜歡! 小食摩天輪 $158 這個玩味性重又過癮的摩天輪,用手指推推佢真係會轉架!裡頭有著五款香脆小食:炸薯條、炸雞翼、芝士波、八爪魚丸和炸蝦餃子。除了薯條外,其餘都有四件,炸物都炸得頗乾身不油,而熱辣辣又流心的芝士波最得我歡心。 怕食多炸物太熱氣又不健康,餐廳更配上一杯已切成一條條的蔬菜,青瓜條、蘿蔔條、車厘茄等,確保平衡返營養,十分周到! 龍蝦薄餅 $328 賣相望落好澎湃,夠分量又夠晒綽頭!用上一磅重的拆肉波士頓龍蝦所製,龍蝦身已起晒肉連同薄餅一齊焗,另仲有兩隻龍蝦鉗可以拆肉食。 薄餅用上薄脆餅底,每片咬落都有啖啖龍蝦肉在內,另仲有蔬菜、芝士同甜甜的滋味醬汁一齊焗。咬落餅底脆卜卜,食落好滋味又無咁飽滯。 香燒豬仔骨 $168 大大份的豬仔骨,還有些蔬菜和薯條作配菜。豬仔骨烤得不錯,骨肉很易分離,很容易食!食落肉質頗嫩仍帶肉汁,配上濃濃的燒烤醬,滋味無窮。 餐廳有供應數款自家製甜品,鮮果刨冰、椰皇焗蛋、仲有賣相好似心太軟的沙巴翁,賣相都幾吸引架! 椰皇焦糖焗蛋 $58 面頭加了士多啤梨片和龍珠果作點綴,底下的焗蛋尚算滑溜,除了蛋香外椰子味都好濃郁啊,不錯吃! Bel CiBo奶凍 $68 面頭放左士多啤梨、藍莓、火龍果等,仲有朱古力條點綴,賣相裝飾得很豐富。不過凍奶質感未夠細滑,奶香味也是一般,有進步空間。 整體黎講BEL CIBO確實係一間不錯的多國菜餐廳,選擇多,無論價錢、份量和味道都是令人滿意的。而且不得不說店員的服務態度真係好好,面帶笑容,就算客人多的時候都會細心講解餐點內容!要改善的相信係甜品味道方面,始終甜品係為每一餐劃上一個完美的句號,所以小妹覺得滿重要的。 BEL CIBO Seafood Bar & Restaurant 地址: 尖沙咀厚福街8號H8 12樓 (港鐵尖沙咀站 B2 出口, 步行約4分鐘) 電話: 2321 2112 營業時間: 星期一至六: 12:00-15:30; 18:00-23:30 星期日: 18:00-23:30 部份餐牌↓ 點擊圖片放大 +5