任飲任食既放題真係愈開愈多,不過多數黎黎去去都係個幾類食物,食到有點悶。而大喜屋集團旗下除左開左間走高檔路線的放題外,更期亦開左另一間「極尚大瀛喜」,係大瀛喜的高級版,食物和刺身多左選擇外,質素都比前者高。前排同事食完返黎更大讚和推薦,有同事睇完相後更即時訂位即日去,小妹都立即訂左星期五晚去,Happy Friday梗係要食盡佢! 原文: http://concon2016.blogspot.hk/2015/11/blog-post_13.html#more *(記住經電話訂位免加一啊,星期五每位$248)* . 晚市放題分兩個時間,亦有全時段六小時放題選擇: 5:30pm-8:15pm 或 8:30pm-11:30pm。 7點半前離座或9:30後入座更可享85折呢,好抵! . 平時一個普通放題都要$2xx,所以呢個價錢係好抵食,不過只限新開張優惠,遲點應該會加貴,就好似而家極尚大喜屋一位都接近$300了。 . 點擊圖片放大 平時放題的環境通常都好迫,小妹覺得呢度還好,就算兩個人都有卡位住,坐得更加舒服。 . (圖片一點可放到最大) 點菜紙有分刺身、壽司、火灸壽司、軍艦/一口手卷、創作卷物/壽司、炸物/天婦羅、串燒、燒物、主食、煮物等。 . 點擊圖片放大 +3 前菜、沙律、甜品和飲品都係自己出去拎的,更有提供軟雪糕機呢。 . 飲品的款式真係第一次見有咁多選擇,而且竟然有一樽樽韓國梨汁供應,梗係要試下。 . 點擊圖片放大 甜品方面有牛奶公司出的雪糕雪條,另有各款迷你甜品和乳酪等,確實花多眼亂。 . 點擊圖片放大 第一轉梗係要先點些刺身,刺身類的款式比平時的來得多,包括有三文魚、劍魚腩、油甘魚、深海鯨龍魚、吞拿魚、北海道帶子、希靈魚、虎蝦、珍寶赤蝦、甜蝦、翡翠螺、蜜汁鮑片和玉子等,相當吸引。 . 珍寶赤蝦頗大隻,食落鮮甜,蝦肉頗爽,值得食完再食,回本之選。 . 平時放題叫親玉子都係切到薄薄一片,呢度既就較厚身,面層經輕輕燒過,食落甜甜的富蛋香。 . 翡翠螺食落無沙好彈牙,值得推薦。 . 見到呢度的壽司有好多款式,連創作壽司都有,壽司飯都細細的,咁就可以試多幾款,叫完好快就一次過黎晒,見到都肚餓呢。 . 這一碟包括了車打芝士大蝦壽司、醬燒皇帝蟹棒壽司、極品香蒜和牛壽司、明太子帆立貝壽司、海膽醬黃金蝦、火灸三文魚(有鹽燒、松露和蒜蓉三隻味)、極尚穴子壽司和山椒蒲燒立魚腩壽司等。 . 講到最印象深刻必定係特長既穴子壽司,呢個長度令小妹即刻諗起元朗出名既特長壽司始祖田中。味道方面穴子食落細嫩無骨啖啖肉,再加上鰻魚汁,有風味之餘,味道都有驚喜,係鰻魚的升級版。 . 車打芝士大蝦壽司,其實芝士味不重,不過大蝦食落肉質頗爽也算不錯。 . 極品香蒜和牛壽司,沒有燒至全熟的和牛,肉質入口軟腍嫩口,上面還加了少許蔥花和香蒜,食落香口惹味。 . 醬燒皇帝蟹棒壽司,經灸燒過的蟹棒再加上少許蛋黃醬同食,係另一番滋味。 . 明太子帆立貝壽司 食落明太子味不太明顯,味道一般。 . 火灸三文魚(有鹽燒、松露和蒜蓉三隻味) 雖然叫晒三種味道每樣各一,黎到竟然三件的味道都好相似,完全分唔到邊隻打邊隻。不過經灸燒過的三文魚,食落頗香,中規中矩。 . 呢一碟係創作壽司,所以擺盤特別有藝術品既感覺,壽司的賣相精緻又新穎。包括有雙色親子花、鰻魚蛋卷、煙三文魚芝士班戟、鵝肝帶子、巴馬火腿伴蜜瓜。 . 先黎鵝肝帶子,呢一款同極尚大喜屋個款好似,不過呢度無帶子同鵝肝中間就多左塊奇異果片,相信用意係想平衡返鵝肝膩的感覺,但反而食落變成不太食到鵝肝的味道,有樣無味,確係失望,有時簡簡單單可能仲好。 . 身為風乾火腿既粉絲梗係要試下巴馬火腿伴蜜瓜,兩種本來係夢幻配搭的組合,做成壽司後,可能由於加了飯的關係感覺怪怪的,而且蜜瓜又不夠甜。 . 煙三文魚芝士班戟,煙三文魚茸加芝士出奇地惹味,加埋底下甜的海綿蛋糕,估唔到呢個鹹甜的組合又幾好食。 . 鰻魚蛋卷 原個蛋卷入面包住少許鰻魚,玉子入口嫩滑,值得一試。 . 虎蝦天婦羅和南瓜天婦羅都係熱辣辣黎到,外層炸粉很薄和脆,裡頭啖啖彈牙蝦肉,好食。 . 蒲燒鰻魚串 食落無骨啖啖肉,每串都燒得很香,再掃上一層鰻魚汁,好滋味。 . 芝麻雞翼 黎到必食的芝麻雞翼,黎到時仲係熱辣辣,咬落皮脆肉嫩,光是外皮已經夠晒香脆,內裡更帶肉汁,好好食! . 焗原隻帆立貝 加埋青椒、紅椒、芝士和沙律醬一齊焗,帆立貝的味道大部份都被沙律醬遮蓋了,食味一般。 . 牛油蒜香帆立貝 帆立貝食落多汁,有陣陣濃郁的牛油蒜香,夠惹味。 . 自家製醬燒雞翼 雞翼肉質夠嫩,味道幾似Pizza Hut個隻原味雞翼,小妹就覺得還好。 . 鐵板蒜片牛柳粒 牛柳粒食落頗有嚼勁,加埋蒜片食頗香口。 . 甜品整體不過不失,估唔到連迷你葡撻都有,反而最好味小妹覺得係個芒果卷呢! . . 極尚大瀛喜 地址: 銅鑼灣駱克道463-483號銅鑼灣廣場二期11樓 (港鐵銅鑼灣站 C 出口, 步行約1分鐘) 電話: 3188 8008 / 3188 8009 營業時間: 星期一至五: 17:30-00:00; 星期六至日及公眾假期: 12:00-15:00, 17:30-00:00 ================================ (喜歡的,請按讚支持,是給我很大的鼓勵啊 ) Connie's Food and Life Corner