這間韓國餐廳在諾士佛臺那邊,走過一連串既露天酒吧後終於來到冠福中心的一樓。 點擊圖片放大 +2 餐廳係屬於居酒屋類型,環境頗舒服的,坐位間不會很迫,另一邊更有像包廂的位置,一大班朋友黎都坐得舒服。牆上掛上不少韓國畫花既作品,讓人一睇就知這間係韓國餐廳了。 . 坐低後,餐廳先送來三款可無限添加既前菜,有大豆芽菜、泡菜和半顆烚蛋;泡菜真的頗辣呢,烚蛋沾的那個醬汁幾好味啊! . 每檯都有一壺檸檬水,愛飲酒既都有唔少韓國酒可選擇。 . 餐廳最近都推出大熱既芝士豬肋骨,不過講到特別非呢款「外星人炒年糕」$288 莫屬。望落張圖好似韓式烤肉咁,咁就錯喇! 裡頭原來有蒸蛋、芝士丸、炸魷魚、韓式拉麵、肉丸、薯蓉、煮蛋同炒年糕等,相當豐富呀! . 點擊圖片放大 +5 而餐牌上既款式都被平時既韓國餐廳多很多! 包括有刺身、生牛肉類、各款烤肉、燉鍋、泡菜餅、粉絲、炸雞、部隊鍋、冷麵/湯麵、石鍋飯等,認真花多眼亂,款式相當充足,睇完有唔知揀邊款既感覺,太難揀了! . 芝士雞蛋卷 $148 呢度既芝士蛋卷同之前食開既好唔同,之前食開既都係芝士加蛋漿拌勻後所製的蛋卷,內裡通常會有蛋汁流出。 . 而呢度係先將蛋卷煎好後,再在上面鋪上一層Mozzarella芝士。入口芝士味唔濃,慢一點既話芝士會凝結左,變左成片。不過小妹就鍾意呢度既蛋卷入面加左唔少蔥花,食落好香,總結黎講各有各好。 . 酸甜辣味香脆雞 $178 之前上網見到有人話呢度既炸雞好好食! 小妹又超鍾意食韓式炸雞,所以勁期待啊! . 炸雞唔係用碟上,係用一個方形錫紙盤盛著,賣相更加吸引呢! 雞件份量唔少,面頭仲加左少許蔥花,仲有一小碟白蘿蔔,望到都好想食啊! . 呢度既炸雞都係連骨的,每一件都被濃厚既甜辣醬包裹著,帶點甜辣味;咬落雞皮十分香口脆身,而且雞肉好嫩滑呢,完全正中小妹杯茶,完全食唔停口,真係好食呀! . 韓式豬腳 $238 由於他喜歡食豬腳,而且餐廳大力推薦下就點了這個。 . 豬腳的份量頗多呢,還有用上熱爐熱著,另配上一欖生菜同醬汁,可以來包著食。 . 豬腳本身係沒什麼味道的,都係靠醬汁來調味,如不沾醬汁來食,味道還頗似港式既鵝片,肉質咬落頗嫩,食味都唔錯,就係無想像般驚艷吧! . . . 狎鷗亭居酒屋 地址: 尖沙咀諾士佛臺9號冠福中心1樓 (港鐵尖沙咀站 B1 出口, 步行約6分鐘) 電話: 3579 2992 營業時間: 星期一至日:17:00-03:00 ================================ (喜歡的,請按讚支持,是給我很大的鼓勵啊 ) Connie's Food and Life Corner