呢日黎到灣仔,係度諗晚餐食邊間好? 本身想食出名山東燒雞既金源小館,不過後來又被隔離鋪既拉麵店吸引,所以好快又決定轉場。 黑色門面既黑鉄屋,外面掛著兩個紅燈籠,甚有日本風。 . 點擊圖片放大 +5 麵店環境以黑色作為主調,簡約裝潢,感覺時尚型格。 . 最前方更有玻璃位可以看到師傅們在製作拉麵呢。 . 呢度拉麵有分雞骨湯或豚骨湯、另外仲有拌麵同埋炭火燒飯,本身見到有炭燒飯都好想試,因此出面較少見,不過最終都係揀返拉麵。 . 拉麵可額外追加唔同既配菜、叉燒、流心蛋、麵底同黑木耳等,價錢由$8~$20不等。亦可選擇要麵條既軟硬度同是否落香蔥,反而湯既濃淡度真一早定好晒,無得揀。 . 另外又可以點些小食和啤酒,價錢唔算貴。 . 燒汁帆立貝 $38/串 帆立貝燒得不錯,咬落多汁肉嫩,好味。 . 自家製餃子五隻 $38 這餃子賣相好似日本既mochi,每顆都圓圓的,外皮煎至微脆香口,內頭係豬肉同韭菜,咬落多汁。 . 赤兵衛 $88 雞骨湯、北海道產有機栽培大豆味增、叉燒二片、菠菜、粟米、香蔥、流心蛋和紫菜。 . 點擊圖片放大 湯底係濃郁而不過鹹既味增湯,很夠味。用上小妹喜愛既幼麵條,掛湯程度不俗,麵質亦夠彈牙; 流心蛋望見都知流心,入口有煙燻過的味道,仲有濃烈蛋香。 . 而小妹覺得最好味既反而係佢地既叉燒,用酒醃過,入口有超濃郁既酒味。而外層係厚厚的脂肪,中間先係瘦肉,所以咬落好鬆化,而且經輕輕燒過,食落相當惹味,味道確係超讚。個刻好有衝動想追加多兩塊,但又怕眼闊肚窄,所以有機會一定會再黎食。 . . 黑鉄屋 地址: 灣仔大王東街3-5號地下B舖 (港鐵灣仔站 B2 出口, 步行約5分鐘) 電話: 2856 0813 營業時間: 星期一至六: 12:00-21:30 ================================ (喜歡的,請按讚支持,是給我很大的鼓勵啊 ) Connie's Food and Life Corner