前排坐小巴,咁岩係豉油街附近落車,一落車就見到呢間叫「街頭食王」既小食店。店子招牌設計就好似早年既經典游戲「街頭霸王」既Logo,很有霸氣,養眼度高,晚飯時間仲見到唔少人幫襯添。 小食店賣多種唔同既小食,由最常見既港式小食燒賣/魚蛋/雞蛋仔,至近來大熱既韓式小食都有,韓式飯卷/炸雞/年糕通通都有,當中比較特別既仲有芒果卷,芝士卷,同各種大串燒,(前日經過仲見到賣埋牛肉飯添),最重要係價錢唔貴。 . 最後同S先生兩個人總共叫左三款小食,由於每樣都係即炸,所以等候時間會耐點。 . 連個外賣盒都印有logo。 . 韓式炸雞 $29 食落酸酸甜甜幾開胃,不過雞肉切得比較細件,食落唔夠過癮,而且韓式甜辣醬落得太少了,有點失望。(其實食過好多間既醬都係偏少,唔通醬真係咁貴!?) . 日式芝士卷 $15 可揀內餡係芝士腸/芝士雞肉,我地要左後者。份量都唔少,一條切開三件,面層搽上芝士醬,像吉列既外皮,內餡係經醃過既雞肉餡 (類似免治雞肉既質感),食落又幾惹味,芝士味頗濃。 . 脆脆芒果卷 $15 好似春卷皮既外皮,包住芒果肉,不過皮肉分離,味道還好吧,勝在芒果肉夠甜,試一次就夠。 . . . 街頭食王 地址: 旺角鼓油街50號地下3C鋪 電話: 9477 5104 ================================ (喜歡的,請按讚支持,是給我很大的鼓勵啊 ) Connie's Food and Life Corner