一向知道位於荃灣的「嘉樂冰廳」既雞蛋奄列同蛋治相當出名，前者出名大份夾抵食，後者據說係相當厚身呢，而且價錢唔貴，周不時都大排長龍，而且晚上七時就關門，成日想放工去又怕趕唔切! 原文: http://concon2016.blogspot.hk/2015/03/blog-post_22.html 剛好呢幾日同S先生提起嘉樂冰室，講到慶高采烈就決定星期日去。1點3到去已經排晒長龍，等到2點半都仲未到我地，但三點又買左飛睇戲，唯有超無奈的放棄...個一刻真係想放棄睇戲繼續排既衝動，不竟都排左咁耐嘛! 好彩睇完戲出黎都係等左15分鐘到就有位! . 點擊圖片放大 餐廳的坐位真係好少，而且帶有懷舊餐室既味道，坐位係屬於比較窄身個種。一坐低都唔使點望餐牌就已決定了要什麼，都是這裡的招牌名物，超期待呢。 . 凍檸檬茶 $18 估唔到呢度既凍飲又幾大杯，比平時茶餐廳既凍杯仲要闊。而且入面好大方的放左多片檸檬，所以夠酸又夠紅茶香，唔錯。 . 炸薯仔餅 $23 其實即係炸薯餅，一碟三塊剛炸起熱辣辣，炸得夠脆身，配埋蕃茄醬，香口又惹味。雖然自己去買包急凍既都係好平又唔難炸，但黎到呢度見到有就係想食佢。 . 酥炸鮮蝦及菜肉雲吞 $33 本身諗住剩叫鮮蝦雲吞，後來店員建議我地可以雙拼試晒兩隻味。一碟十隻既炸雲吞，每隻都炸得相當香脆，外皮算炸得乾身唔會好油。不過兩者比較下都係較鍾意食鮮蝦雲吞，每隻都咬到爽口蝦肉同豬肉既內餡，比起菜肉雲吞更加美味。 . 火腿小奄列 $29 據說這小奄列用左成六隻雞蛋去製成，但其實睇落去都無想像中大份，除奄列外仲跟上一份牛油三文治，當然就係普通茶餐廳三文治，無烘底唔夠牛油個種。 . 不過說真奄列食落其實沒想像中既特別，奄列不屬於全熟狀況，內裡還帶點濕潤，包著大量的火腿絲，火腿絲沒什麼味道，就是白烚的，蛋香的味道也不算重，整體感覺一般，就是會食到好飽，感覺幾抵食。 . 鹹牛肉蛋三文治 S先生指名的三文治，蛋真的相當厚，看上去好吸引呢；內裡夾著咸牛肉，後來看著對面的客人叫左鮮牛肉蛋牛治，好似比較吸引。 . 不過這三文治同樣都有著蛋香味不重既問題，幸好有咸牛肉的咸味平衡一下，相信也不差。 . 總結黎講，試左四款食物，反而覺得鮮蝦炸雲吞係最好味。但要我排咁耐隊去食真係一次就夠。始終食物都唔係話好有驚喜，頂多叫抵食夾大件，未試過既人可以試下，如果唔使再排咁耐隊，都可以再翻兜。 . . . 嘉樂冰廳 地址: 荃灣新村街40B號地下 電話: 2493 7308 營業時間: 星期一至日: 10:00-19:00 ================================ (喜歡的，請按讚支持，是給我很大的鼓勵啊 ) Connie's Food and Life Corner
