很早已知道位於大角咀的Burgerman評價頗不錯啊,所以就同友人去試試嚕! 大約左奧海城站行10分鐘到就到,對面就係車品品,一整到街都係食店,超吸引呢! 點擊圖片放大 +4 店子的環境不大,數張高檯座位,仲有一排面壁坐位;最前方就係點餐既地方。 . 唔鍾意飲汽水,呢度仲有售賣枝裝人蔘綠茶 $15同檸檬茶,有別於一般漢堡包店只有汽水供應,不過飲落唔太覺有人蔘味,但就幾好飲,而且個樽個圖案好靚呢。 . 漢包有唔少款選擇,鵝肝漢堡、和牛漢堡、燒大菇漢堡、燒菠蘿雞腿漢堡、丹麥藍芝士漢堡和費城芝士牛肉漢堡都係比較特別既口味。 . 除漢堡外,店子仲有提供沙律、意粉同小食,價錢唔貴,由最平$20既炸薯條或薯格到$68卡邦尼大蝦意粉都有! . 脆炸黃金芝士條 $28 一份有四條,芝士條炸至金黃色熱辣辣又香口,內裡用上mozzarella cheese,咬落可以好似食pizza般拉出長長既芝士,好味又好玩。 . 炸洋蔥圈 $26 咬落很脆身,唔會好粉,亦帶有洋蔥的鮮甜多汁,不錯。 . 香草雞翼 $38 及煙薰燒烤雞翼(5隻) 雞翼上桌都熱辣辣的,咬落皮脆肉嫩,唔會炸到乾爭爭,十分香口! 後者被燒烤醬包圍著,好夠味。 . 卡邦尼大蝦意粉 $68 卡邦尼汁的份量很多,每條意粉都裹著濃濃的醬汁,配埋爽彈既大蝦,超滿足,味道比很多店整得更好呢。但因醬汁較杰,所以比較飽滯。 . 鵝肝漢堡 $128 漢堡包烘至溫熱,咬落酥軟,內裡除了有食落牛味很重又juicy的牛肉漢堡外,還有超大塊的鵝肝呢,鵝肝煎至金黃色,咬落油脂豐腴,陣陣鵝肝香在口中迴盪,還有那脂肪位實在太太太邪惡啦。值得一讚既係,這裡的牛肉和鵝肝沒有互相搶去其味道,這是我覺得很有驚喜的,到現在仍在回味中呢。 . 點擊圖片放大 燒菠蘿牛肉漢堡 $60 加入了燒菠蘿的漢堡係另一個賣點,菠蘿咬落清甜多汁,平衡了漢堡的飽滯感,頓時感覺輕盈得多,係另一款滋味推介。 Burgerman 地址: 大角咀埃華街95-97號地下 電話: 2331 3973 營業時間: 星期一至日: 11:00-22:00 ================================ (喜歡的,請按讚支持,是給我很大的鼓勵啊 ) Connie's Food and Life Corner