[鮨千寿] 屯門 ‧ 丼飯系列很吸引,必試鮮味三蟹卷!!

屯門市廣場感覺上好似有好多類型既餐廳選擇,事實上每次睇完戲想去食晚飯都會有「覺得無野好食」既情況出現,好多時都寧願出返元朗食喇。原來最近元氣壽司舊址轉左間新餐廳「鮨千寿」,睇返張墊枱紙,係同屬「穴」集團的,所以菜式部份都好似樣,選擇多又吸引!

 

原文網址: http://connie-hk.com/sushi-senju

 

▲ 餐廳環境,由於人客太多所以只簡略拍一下。

▲ 餐廳每日都有時令產地直送既刺身選擇,對我黎講最吸引一定係各款丼飯系列。

▲ 部份餐牌

海膽魷魚卷 $108 (8件)

魷魚搭配海膽算係一款幾新穎既組合,彈牙既魷魚中間夾住,味道都幾夾。

三蟹卷 $58/件

呢個三蟹卷天婦羅真係好好好食,用紫菜卷住蟹膏、蟹肉同蟹籽拎去炸!天婦羅炸粉薄薄一層,裡面既「三蟹」食落勁足料甘香,仲有咬落帶點「卜卜聲」既蟹籽,超邪惡呀!另外仲有海鹽、抹茶粉同咖哩粉可以蘸黎食,小妹覺得蘸海鹽係最夾。

日本黑毛和牛鐵板燒 $338

粒粒骰子形既日本黑毛和牛,中心仍然略帶紅色的肉質,煎得還不錯。肉質咬落鬆化充滿肉汁,牛味好濃好好食,簡單煎煎佢味道已經令人回味!

三文魚籽加拿大海膽飯 $358

好豐富既海膽三文魚籽丼,一半魚籽一半海膽,用既係加拿大海膽。海膽食落去夠甘甜,唔會又溶又爛,質素唔錯。三文魚籽粒粒飽滿咬爆後鮮味盡顯,比我既感覺係材料新鮮!海膽同三文魚籽真係配合得天衣無縫,配埋醋飯,真係好快會爬爬下食晒成碗。

 

This entry was posted in 商務接待, 家庭聚會, 情侶約會, 新界, 日式菜, 時令, 特色餐廳, 生日派對, 知己聚會 and tagged , , , , , , , , , , , , , . Bookmark the permalink.