[尖沙咀] The Right Place ‧ 匯聚暢飲與美食之西餐酒吧 | 小食拼盤和肉眼扒都係不錯的選擇

近來愈來愈多酒吧兼營西餐廳,食物的水準方面都愈來愈高。小妹最近就去左間為於尖沙咀的酒吧西餐廳,翻開餐牌,食物款式多之餘又吸引,侍應們亦都非常親切有禮。

 

原文網址: http://connie-hk.com/the-right-place

 

▲ 步入餐廳的左手邊係酒吧的調酒位置,餐廳也佈置得頗有香港風情,設計成窗戶望到的香港街景,很有特色。

▲ 還有其他可愛的壁畫和佈置等,整體坐得還滿舒適。


▲ 餐牌製成報紙的模樣,每頁都色彩繽紛,排版精美令人食慾大增。大路的牛扒意粉都有得食,仲有以Hong Kong Style推出的「避風塘」系列。

▲ 飲品餐牌

當然少不了有Mocktail和Cocktail吧,我們都各點了一杯。

 

Dr. Kitty $88

用貌似量杯裝既mocktail,賣相有趣。用左荔枝同芒果糖漿,仲有菠蘿汁調製,飲落味道幾似fruit punch,岩晒女仔們,很易入口。

 

Crab Fizz $128


請店員為我地推薦左款較特別既Cocktail,除左酒之外,仲加左蟹肉同蟹籽係入面,係幾特別同有綽頭。男人話飲落幾過癮,有蟹肉既味道,有海鹽圍杯邊既關係,飲落都會鹹鹹地,不過好唔好飲就見人見智喇。

 

The Right Place 拼盤 $298


呢份小食併盤,份量相當豐富,望到都開心。包括避風塘雞全翼、脆炸軟殼蟹、黑松露醬燒粟米、烤黑毛豬伴芒果莎莎、香草蒜蓉牛油燒太平洋蠔、沙律。全部份量都x2,食完呢份都已經飽飽地。

最鍾意香甜多汁又惹味既松露粟米同避風塘雞翼,炸得好脆,肉質仲要好滑,係軟殼蟹層炸粉比較厚。

 

燒西班牙黑毛豬五花腩伴芥末籽蜜糖青蘋果 $88


燒過的薄切五花腩配上青蘋果片確實係不錯的組合,食落有青蘋果清新的果香,令五花腩食落無咁膩,帶埋陣陣蜜糖的香甜,整體頗惹味。

 

香烤澳洲M5和牛肉眼扒10安士伴炒時蔬及薯條 $388

主菜叫左份烤澳洲M5和牛肉眼扒,叫左五成熟,黎到真係岩岩好。咬落相當Juicy,脂肪平均,肉嫩之餘,富明顯牛味。所配既粗薯條都好食,好似食緊mos burger既炸薯條,頗香酥。另配有兩款醬汁可用黎蘸牛食,計我話唔蘸都好夠味了。

 

 

The Right Place

FACEBOOKIG
地址: 尖沙咀寶勒巷17-19號地下
(港鐵尖沙咀/尖東站 N2 出口, 步行約3分鐘)
電話: 23117212
營業時間: 星期一至日 16:00-04:00
※本文以用餐當日的環境、服務和食物質素為準,口味亦因人而異,文章只作參考之用。

 

This entry was posted in 九龍, 其他歐洲菜, 家庭聚會, 特色餐廳, 生日派對, 知己聚會 and tagged , , , , , , , , , , , , . Bookmark the permalink.