[尖沙咀] 梔子 ‧ 山林道的花系小清新cafe | 必點黑松露炸薯條!

上次食完氷川菓屋走過時經過「梔子」已經被佢佈滿乾脆花既cafe吸引住,說好下次要黎食!當然就立即搵左日黎呢度來個輕食晚餐同影下相。

 

原文網址: http://connie-hk.com/tst-zi

 

Cafe環境佈滿乾燥花的蹤影,又有不同的裝飾和擺設,很喜歡有這樣用心佈置的咖啡店,滿好拍的!步進店內會見到有2-3個靠街景的高枱位,窗戶也是打開的,坐在這個位置,從外面拍過來,很有文青感!

▲ 左邊係半開放式廚房和沖調飲品的位置,還放了個蛋糕櫃呢。

▲ 是日有三款不同味道得蛋糕,Chocolate Truffle、開心果mousse和芝士蛋糕,都係自家製的,每日蛋糕款式都未必一樣啊。

直行入去先係我們坐的地方,說真的坐位不多,環境唔大,但佈局上係滿舒適。

▲ 最估唔到係有兼賣手工啤酒、清酒同Cocktail,款式都唔少。

Cafe感覺上係主打Bagel,仲有夾住不同餡料的Bagel三文治。另外仲有Salad、小食客意粉等;亦有命為「健康組合」的套餐,價錢會較實惠,部分適合素食人士。

黑松露薯條 $78


炸到熱辣辣又脆既粗薯條,黑松露醬比得多多一碟好大方,而且好夠味,真係食唔停口,講起都想再去食。

牛油果比高 $78


叫左個牛油果bagel,送上來時店員話牛油果唔夠熟,食落會比較硬。果然一開黎睇都感覺到有點硬度,唔係軟腍個種感覺。比高入面仲搽左忌廉芝士,仲夾左隻太陽蛋。個包用刀切開一半都有點困難,用叉都吉唔入,確實同牛油果一樣稍硬左少少,配埋蛋同忌廉芝士食味道其實唔錯,可惜係牛油果影響左整體口感,有點失望。或者下次食材未夠成熟時,叫客人轉其他口味會唔會好d?

紅 $58


杯深紅色既「紅」用左紅菜頭、雜莓、蘋果同薑打成,男人話薑味好重,成杯感覺很健康。

Rose Latte $45


玫瑰拿鐵奶泡打得細滑,滲出陣陣玫瑰香,還不錯,而且鍾意隻杯,很有質感!

Cheese Cake $58


這個芝士蛋糕分為三層,包括mascarpone、cream cheese同海綿蛋糕,一吉到底會食到三種不同口感。cream cheese頗軟滑,有芝士味感覺又不會太膩,好食,就係細件左少少。

 

 

梔子 | ZI

FACEBOOKIG
地址: 尖沙咀山林道8號地舖
電話: 27781628
營業時間:
星期一至五 12:00-00:00
星期六至日 12:00-01:00
※本文以用餐當日的環境、服務和食物質素為準,口味亦因人而異,文章只作參考之用。

 

 

This entry was posted in 九龍, 情侶約會, 甜品/飲品, 知己聚會 and tagged , , , , , , , , , , , . Bookmark the permalink.