[佐敦] Haru Haru ‧ 推薦好味又抵食既韓式炸雞小店嚕 | 無骨甜辣炸雞,雞肉嫩滑又惹味~


早前友人提及過佐敦有間好似幾唔錯既韓式炸雞店,前排因為炸雞癮起,所以個日放工後就決定去食晚餐啦。當日打去訂位,原來三個以上先接受訂位,如果人數兩個既話,多數六點到都有位坐。

餐廳環境算得上係細,長方形格局既店面得幾張檯,必要時仲會將桌椅放埋係走廊位通道。坐落去其實都唔算舒服,但一心想黎食炸雞既我,至緊要食物好食就得喇。
.

雖然呢度無韓藉店員,又無靚仔obba,餐廳環境無靚裝潢。不過唔緊要,起碼呢度係小妹覺得抵食又好食既炸雞店,而且店員的服務態度都很不錯啊,價錢不會令人覺得吃不消。
.
一坐低先有提供三款涼菜,係泡菜、翠玉瓜同薯仔,可以無限再添。
.
餐牌上有分原味/香蔥及甜辣炸雞,呢度既炸雞有分無骨同有骨,喜歡雞翼既都有。仲可以揀要半份或全份。真係岩晒懶人小妹,鍾意食無骨雞既人,仲可以揀半份試多幾款味道,真好。
.

仲有其他韓式食物,好似芝士年糕、芝士蛋卷、水冷麵、拌麵、鐵板燒、石鍋飯和炒飯等都有,選擇都頗多,而且價錢唔算貴。
.

由於半份炸雞唔多夠喉,最後就揀左至愛既無骨甜辣炸雞 (半份) $79無骨原味炸雞 (半份) $79。等左一陣,炸雞就熱辣辣上檯嚕,真令人期待。
.
半份既份量都唔少啊,炸雞的外皮咬落香脆唔厚粉,而且雞肉很嫩滑多汁呢,加上韓式甜辣醬,甜甜辣辣的,真心覺得好食。
.
原味炸雞都唔錯,同上面一樣炸得香脆可口。另外仲可配上秘製醬汁可以沾黎食,味道帶點蒜茸香,詢問之下的確有落蒜茸,不過餐廳話其他材料就不便透露嚕。
.
另外每份炸雞都會附上小碟醃蘿蔔同沙律,蘿蔔食落爽脆,酸酸咪咪的很開胃,仲可以平衡炸雞的飽滯感,頗鍾意的。
.

海鮮豆腐煲 (連白飯一碗) $68
這個煲裡有蝦、青口、年糕、豆腐和菜等,湯底係韓式泡菜既味道,唔算辣,頗豐富的。可能一向食開重口味,就係覺得個湯頭無咩味道,我地一路懷疑係咪唔記得落鹽,所以問左店員,佢就比左少少鹽我地自己加,加返之後真係好好多,不過呢個海鮮煲始終味道唔突出,仍有改善空間。
.

芝士蛋卷 $78
一整個長方形的蛋卷份量不少啊,上面仲加左少許蕃茄醬。軟綿綿的蛋卷切開後,滿滿的蛋汁流出,入口軟嫩軟嫩的,蛋味濃。反而芝士味唔算重,是隱隱的芝士味。仲有就係唔鍾意加左蕃茄醬上去,因為覺得搶晒蛋同芝士味,所以食之前都會先整走佢。
.
.
.
Haru Haru
地址: 佐敦南京街6C百達大廈地下A2-A3號舖
(港鐵佐敦站 A 出口, 步行約2分鐘)
電話: 2751 9900
營業時間: 星期一至日: 11:30-02:00

================================
(喜歡的,請按讚支持,是給我很大的鼓勵啊 
This entry was posted in 九龍, 特色餐廳, 知己聚會, 韓國菜 and tagged , , . Bookmark the permalink.
2 Responses to [佐敦] Haru Haru ‧ 推薦好味又抵食既韓式炸雞小店嚕 | 無骨甜辣炸雞,雞肉嫩滑又惹味~
  1. UHK 港生活 says:

    Hi 糖小妹

    我們是港生活編輯部,想借用你此篇的圖片,以作地方介紹,我們會註明作者出處,請問可以嗎?期待回覆,謝謝!

Comments are closed.