黎到嘉義, 就梗係要去阿里山上面玩啦 原本諗住搭火車上去, 但係旅館啲人同我講火車仲未開番, 就唯有去搭巴士 係等巴士既時候, 有個啊姐叫我去搭佢地既車, 係一架wan仔黎 佢地個價錢同搭巴士一樣, 我唔信, 去睇巴士價錢, 證實係一樣先搭 而且搭呢啲車應該會快過巴士 車上面仲有4個人, 問左下, 原來係新加坡人黎 大學畢業左之後黎台灣玩12日 搭左兩個鐘車之後先到阿里山, 上到去就覺得好鬼靚 今日全日都有啲雲霧係山上面, 好鬼正 遊覽路線就係搭阿里山上面既遊覽車上山頂, 再慢慢行番落黎 點擊圖片放大 阿里山上有很多人, 大部分都係跟團的 團與團之間有間隔既時間, 影相就要係個間隔入面影, 先唔會比人攝鏡 點擊圖片放大 聽啲帶隊既導遊講, 阿里山上面既樹好多都係日治時期比日本人砍晒 之後拎番日本起神社果啲, 剩低既樹都係一啲生得唔靚既 而家係阿里山見到既樹都係台灣政府之後重新種過既 比人砍完之後剩低既樹頭, 有啲種子落左去上面, 就生根發育, 成為第2 代 而現在既阿里山鐵路, 其實就係當年日本人起黎運送阿里山既木 點擊圖片放大 +2 姊妹潭, 相傳係好耐之前, 有兩個姊妹同樣愛上左一個男仔 之後兩個姊妹就為情分別係兩個潭入面自殺 入面有好多蝌蚪 呢棵野叫4姊妹, 係同時有4棵樹係一個樹頭上面生長, 而有一個咁既名 個樹頭就好似媽媽咁養育佢地, 呢張相影到好似得3棵, 其實有4棵 今日全日都有好多雾係山上面 啲人話呢個樹頭好似一隻豬 點擊圖片放大 其實山上有好多樹都有成千幾兩千年咁老, 不過係咪真我就唔知喇 點擊圖片放大 呢個三代木十分出名 點擊圖片放大 +5 係山下面行多陣就搭火車去番一開始果到 之後買啲野, 就再搭番WAN仔落去市中心 落山時好大霧, 加上山路又多灣又窄, 仲不時有對頭車, 嚇到瀨屎 下山時係奮起湖中途休息, 原來司機除左車人之前, 仲送埋貨, 中途就不時停車送貨 佢停車送野, 我同埋其他人去買生果黎食, 買完先知其實唔好食 車上有一對夫婦同一個背包客, 佢地都係黎環島既, 不過佢地就係搭火車 番到去之後係旅館到hea 下 之後再落街搵野食 又去番琴日個夜市到行, 不過多數都係炸野果啲, 又唔係幾想食 聽講嘉義既火雞肉都幾出名, 所以就去試下, 不過好似同雞肉差唔多 呢到極平, 100蚊台仔就搞掂, 平過夜市好多 休息完就再準備出發