今個聖誕Sanrio粉好忙!! 布甸狗寶琳建王宮, XO則Hip-hop到葵芳, 而Melody就衝入屯門奇幻森林迎聖誕, 其實Melody是1975年1月18日才生日, 點解女仔人家明明39, 大會卻要話40周年活動呢?? 其實, 屯門市廣場我們起碼10年沒來過, 本來今日全無期望, 誰知一步入中央廣場, 嘩!! 好有氣勢呀!! 好落本喎!! 絶對大場展覽格局呀!! 心情即時由平淡變成興奮. 六大影相位+兩個精品區, 大門口以《伊索寓言~小紅帽》故事書作開端, 大野狼就在故事書外面, 所以Melody童話世界入面好安全無問題呀!! 我們第一時間走上最近大門口的Melody熱氣球...升空啦!! 留意這是初版紅色 Melody號, 古董級數, 所以旁邊要有朋友仔Kuma「護航」. 香港人很守秩序排隊上氣球, 不過在場大量同胞不停插隊, 真的影張相也很勞氣. 大花流聲機, 碎花裙的Melody在上鏈, 很多小朋友也有樣學樣, 不過鏈是假的, 囝知道不能扭, 失望轉頭就走去別處. 原來, 這裡可以與手機玩AR的, 但今日實在人多得連企也沒有地方企, 怎玩呢!! 今日阿囝最愛坐「磨菇」, 大大小小, 藍, 紅, 黃, 粉紅全部坐完又坐, 還要我遂一拍照, 真的如此好玩嗎?? Melody無興趣郤獨愛菇, 真攪笑!! 展場的重頭氣就是Melody寓所, 三條隊分開排, 人龍最長當然是與唱K的Melody合照啦, 之後就是與扮禮物, 由盒中彈出的Piano, 我反而覺得這隻小綿羊最Cute. 其實, 我最想問...點解小老鼠與Zou似樣得尤如王光亮與王祖藍一樣的呢?? 而我最愛當然就是看懷舊精品, 1976年制的陶瓷響鈴, 1992年12吋Melody毛公仔, 2001木制音樂盒等等… 在木屋內看懷古精品只有我一人, 因為人人也怕了屋內的油漆味, 所以我可以輕輕鬆鬆獨自鑑賞. 正!! (雖然油漆味確實很臭…) 今次Melody確實帶了不少朋友到場, 大蛋糕上可以見到松鼠Risu, 而懷舊精品屋前有一個藍色郵箱, 上面就有小小鳥, 不過找遍全場, 唯獨欠了Kuromi. 場內有多棵粉紅花花聖誕樹, 原來每棵樹上也掛有三款不同的「迷你My Melody頭」吊飾, 有磨沙面, 紅及粉紅色三款. 好靚, 可否在商場消費後換購呢?? 全場每一個角落都好靚, 只是精品POP-UP-STORE不敢恭維, 可能我不是Melody迷吧!!還好, 可以保住銀包. 不錯!! 不錯!! 「My Melody 40週年奇幻森林」真的精彩, 從此不能再忽視這廣場, 原來屯門一樣有正到不得了的商場展喎.好正!! My Melody 40週年奇幻森林 日期：15/11至4/1（10am-10pm） 地點：屯門市廣場1樓中央廣場 捐款$50可以抱抱My Melody 見面合照 : 2014 年 12 月 25 及 26 日 (第一場) 1pm 至 1:20pm; (第二場) 2pm 至 2:20pm; (第三場) 3pm 至 3:20pm; (第四場) 4pm 至 4:20pm; 名額: 每場 30 位 大仁生活facebook http://dayanlife.blogspot.hk/2014/11/my-melody-40.html
