Latte 拉花 !! 叮噹伴大口仔拖實布甸狗 @ 銅鑼灣Cafe R&C

瀏覽人數: 8094
銅鑼灣 希雲街 Cafe R&C 拉花 叮噹 大口仔 布甸狗
去年十月, Cafe R&C的三眼仔拉花所吸引, 一家三口開心去銅鑼灣希雲街朝聖, 當時SY見到杯上的三眼仔,兩眼發光:「爸爸咁靚..真係飲咗佢呀??
 
銅鑼灣 希雲街 Cafe R&C 拉花 叮噹 大口仔 布甸狗
上個月, 舊同事包包到了R&C任職, 昨日她對我說:「有冇興趣再嚟玩?…見係你我可以叫師傅為你拉花, 拉乜都得!」「吓??我即時大大聲答:「聽日即刻嚟!!
 
銅鑼灣 希雲街 Cafe R&C 拉花 叮噹 大口仔 布甸狗
上次晚上來人山人海, 今日中午12點幾到達, 一樣高朋滿坐, 包包說:「全因為卡通拉花的威力啦!!之前好鬼靜
 
銅鑼灣 希雲街 Cafe R&C 拉花 叮噹 大口仔 布甸狗
Cafe R&C的食物, 上次已經知道是超水準, 今日我們EncoreAll Day Breakfast, 麻煩的囝向包包說:「姐姐, 我想唔要(茄汁)豆豆, 因為包配豆豆唔好食架喎(又要麻煩包包將茄汁豆換上蕃茄, 真的不好意思)
 
銅鑼灣 希雲街 Cafe R&C 拉花 叮噹 大口仔 布甸狗 All Day Breakfast
蘋果蛋沙津, 味道依然非凡, 特別我仍然對蘋果蛋沙津念念不忘. 點解這個少少的沙津塔可以好食得如此緊要呢?
 
銅鑼灣 希雲街 Cafe R&C 拉花 叮噹 大口仔 布甸狗 蘋果蛋沙津
包包推介我們食蕃茄忌廉蝦肉意粉, 蕃茄配忌廉原來十分醒神可惜我不能食蝦, 但阿太與SY不出三分鐘「Jet Jet」聲K.O了整碟意粉, 應該好好食.
 
銅鑼灣 希雲街 Cafe R&C 拉花 叮噹 大口仔 布甸狗 蕃茄忌廉蝦肉意粉
其實, 我的心一早已飛到Hymas的拉花工作室處. SY又話要偷師, 我說:「要靜靜地, 否則Hymas哥哥會拉錯架
 
銅鑼灣 希雲街 Cafe R&C 拉花 叮噹 大口仔 布甸狗
SY在我耳邊細細聲問:「唔係拉呀??哥哥係度畫緊呀! ~OK?」這位剛剛升上小一的小朋友為何會愈來愈老積呢
 
銅鑼灣 希雲街 Cafe R&C 拉花 叮噹 大口仔 布甸狗
第一杯出場的就是SY昨晚想也不用想, 第一時間要拉的布甸狗, 他近期偶像「布布」.
 
銅鑼灣 希雲街 Cafe R&C 拉花 叮噹 大口仔 布甸狗
辛苦晒Hymas, 我問如果我只是Walk-in, 會否一樣可點唱「拉花」呢? Hymas笑笑口:「通常只係朋友咋, 如果唔係我會好忙呀, (最難試過拉咩?) , ELSA 同唐老鴨, 細節位勁多, 真係幾難攪架.
 
銅鑼灣 希雲街 Cafe R&C 拉花 叮噹 大口仔 布甸狗
滿心歡喜的SY:「爸爸!! 你睇布布好似你, 佢拖住隻細貓就係我」我問為何狗會同貓玩遊戲呢? SY想了一回:「唔係~…兩隻都係狗, 似貓嘅狗
 
銅鑼灣 希雲街 Cafe R&C 拉花 叮噹 大口仔 布甸狗
同一時間, Hymas又努力為阿太拉近期令人極度懷念的卡通人物.
 
銅鑼灣 希雲街 Cafe R&C 拉花 叮噹 大口仔 布甸狗
無錯, 就是波子汽水Latte叮噹, 小朋友一見叮噹即時大叫:「多啦A夢好得意呀爸爸你睇佢個嘴~咁攪笑嘅」, 看來我想扮年青也應該跟SY稱這杯為「多啦A夢」而非叮噹了.
 
銅鑼灣 希雲街 Cafe R&C 拉花 叮噹 大口仔 布甸狗
最後壓軸就是我的最愛大口仔出場啦!! Hymas還為我寫上「仁」字.
銅鑼灣 希雲街 Cafe R&C 拉花 叮噹 大口仔 布甸狗

不過這應該是2000年後的版本, 早知我在家中找來80年代的模樣給Hymas!! 因為從前的大口表情更加矇, 更加戇居居, 更加似我.

 
銅鑼灣 希雲街 Cafe R&C 拉花 叮噹 大口仔 布甸狗
我左影右影, 前影後影不停影, 絕對不捨得開始飲.
 
銅鑼灣 希雲街 Cafe R&C 拉花 叮噹 大口仔 布甸狗
不過在旁的小朋友已經不耐煩:「飲得未呀~爸爸(其實我只是影了9分鐘左右咋…)
銅鑼灣 希雲街 Cafe R&C 拉花 叮噹 大口仔 布甸狗

我奇怪為何今次SY會捨得立刻要將布甸狗飲落肚呢

 
銅鑼灣 希雲街 Cafe R&C 拉花 叮噹 大口仔 布甸狗
SY一邊忙於飲一邊答:「梗係啦朱古力嚟架麻, 我好多日無飲過啦媽媽又成日話咳, 唔買畀我飲」SY今日很殘忍, 豪情將布甸極速暢飲入肚.
 
銅鑼灣 希雲街 Cafe R&C 拉花 叮噹 大口仔 布甸狗
第一次飲波子汽水Latte, 略甜但一點也不似波子汽水而且整杯也很奶味濃郁. 嚐甜的小朋友:「多啦A夢同布布都一樣咁好飲喎, 爸爸你個大口仔好似同布布差唔多」
 
銅鑼灣 希雲街 Cafe R&C 拉花 叮噹 大口仔 布甸狗
當然吧!! 因為兩杯也是朱古力
 
銅鑼灣 希雲街 Cafe R&C 拉花 叮噹 大口仔 布甸狗
我從大口的左邊頭髮飲, 飲到最後大口變了似花輪同學一樣. Hymas:「拉人像畫都得, 但唔係十足十似樣!, 我很有興趣下次再來拉我們一家三口入杯Latte.
 
銅鑼灣 希雲街 Cafe R&C 拉花 叮噹 大口仔 布甸狗
今日很榮幸認識了同枱, 來自巴黎的Tristan, 他是一名飛機師, 剛剛搬來銅鑼三天, 他說:「這裡氣氛好好, 日日經過就入嚟食次午餐.」 我從未認識過機師, 而且還要那麼有型, 當然要集集郵!!
 
銅鑼灣 希雲街 Cafe R&C 拉花 叮噹 大口仔 布甸狗
“Tristan thanks for taking picture with us!!" (因為我答應給網誌Tristan看呀!!~!!)
 
PS: 包包加油呀!! 2015工作及緣份來一個雙贏吧!!
  
食物: ★★★★★
環境: ★★★
服務: ★★★★★
賣點★★★★★
大仁生活facebook
http://dayanlife.blogspot.hk/2015/01/cafe-r.html
 
This entry was posted in 其他, 甜品, 甜品/飲品, 香港 and tagged , , , , , , , . Bookmark the permalink.