因工作關係每一兩個月就可以留喺東京1日 上兩次去左涉谷同新宿 今次決定去淺草同上野 由於只可以留一日,所以都廢鬼事買旅遊書 臨出發之前上網serach下d景點就算~ 我住嘅酒店位於穴守稻荷駅 (羽田機場附近) 所以我就搭京急線去到品川轉山手線去新橋,之後再轉淺草線到淺草 全程大約45分鐘 出左淺草站行兩三分鐘就到雷門觀音寺 星期日好多人, 入到去兩邊都係賣手信嘅舖頭 用100yen 求左支吉籤 求完籤, 去左間老店食lunch 呢個定食1千4百幾yen, 其實都幾貴, 不過D牛肉粒真係幾好食, 加上老闆喺你面前即刻煮比你食,算係咁啦~ 食飽之後出發去上野, 銀座線坐三個站就到, 上野5號出口一出行前幾步就到阿美橫町 阿美橫町好好行, 好多野買又多野食 仲喺藥妝店幫家姐買左藍莓味龍角散 臨走前食左個親子丼先返酒店 900yen