Hello,我宜家已經到左德國慕尼黑了~ 今次想同大家分享一下平時旅行我同友人會帶咩日用品~ 由於我都易感敏…所以我去親旅行都係帶相同既野~免得一陣有啲咩事掃興:p 所以我逢有樽仔都盡量草~又或者去SaSa、彩豐行買~(個人覺得$12店分分鐘仲貴啲~) 先講下沐用、潔面用品~ C3 Moist洗con水 用後對con真係無咁快令對眼乾的~ Shu Uemura卸妝油 (1) 平時用開藍色的,但之前買大送細…所以今次就帶佢! Acnes控油潔面乳 友人最愛!真係有效減少出油既情況!不過個人覺得只適合油性肌既朋友用…我係混合性肌膚,覺得有啲乾。 HABA Facial Foam (1) 好柔和、起泡力都強~但用後唔乾!對我啱啱好! VS洗頭水 友人最愛!起泡一流~ Dove護髮素 最近用開~~ Dove沐浴露 用左十幾年!去到邊都用乜乜乜:) Soap & Glory沐浴露 甜到爆既味!之前係泰國買,仲未用晒所以都帶去~ 之後就到護膚品了~ 3M暗瘡貼 必帶!唔帶真係心掛掛!次次旅行我都早出晚歸,乜都食…所以點都會生1、2粒大粉刺/小暗瘡…但貼左後第2日多數已經謝左! Cruel化妝水 (1) 友人必用~吸得好快、用後絕對唔笠! Cruel保濕gel (1) 保濕力一般…但用後唔笠,唔會敏感! SK II神仙水 (1) 呢個樽好舊了~但入面我都係refill返SK II神仙水~我當化妝水用~ Shu Uemura tsuya眼霜 (1) 呢排一直用緊,唔算好潤,妝前用都唔會有擦膠粉~ HABA White Lady (1) 真係好好用!用後暗瘡印好快減、皮膚都白左亮左,而且都有少少保濕~但我就快用完…係時候入手:p Biore Aqua Rich防曬 推介左十萬次!用後完全唔笠,仲有SPF 50,PA+++ Pair暗瘡膏 對我啲暗瘡無乜用…但妝前擦無起擦膠粒…叫做心理上好過啲…加上得返少少!想用埋直接掉~ Olay Total Effect(清爽版) 好笠!!不過歐洲又凍又乾!絕對ok!加上用個排啲皮膚會穩定好多…好少出暗瘡~所以帶定! 最後就到mask了~ 1028 Moisture booster activating mask 已經榮升我既最愛!!!超級貼面、保濕效果一流!夏天可以keep到3-4日!價錢都只係$20/1塊!無理由唔用!! Leaders Teatree relaxing & Aloe Soothing mask 如果真係不幸有暗瘡…呢兩款都好舒緩!唔會令暗瘡更嚴重,保濕效果都ok,keep到2日~大約$18/塊。 Kose Babyish mask (藍色) 都係保濕mask,只係$25/7塊!咁平就唔好預佢好好,即時保濕都ok,但就keep唔到1日囉~但平平地都唔錯。 好啦~一口氣講左咁多!到你都話我知你去旅行帶啲咩啦:) HABA (Facial Foam,White Lady), SK II(神仙水), Shu Uemura (tsuya眼霜)為品牌提供 其他全為自購 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com