話咁快…曼谷自由行就完左啦…T^T… 我地出發當晚正正就係泰國宣布宵禁(22:00-05:00)同政府轉左紅色旅遊警示嗰晚… 但同友人商量後都係決定去!因為我地已經準備最壞就係3日都留係酒店同行T21就算~ (呢個係我地個人決定,唔係鼓勵大家無視旅遊警示!) 當日零晨機到泰國,我地超慢咁填下入境表,慢慢行… 出閘都只係03:00... 雖然宵禁,但只要有boarding pass都可以進出機場。 但我地今次只係預HKD 10,000(package,所有洗費),所以我地打算等到06:00坐機鐵出去市區! 好彩機場有free WiFi,所以訓下,上網睇下有無曼谷新聞,其實時間好快過^ω^ (我好醒咁帶左U形枕同披肩,但都係訓得唔好…下次訓機場要帶厚頸巾) 05:00…我餓醒左…於是就叫友人陪我食早餐!! 點知…無早餐…所以我地第一餐已經食雞翼同河粉:p 食飽飽就去買3G SIM card!299THB就可以7天免費上網! 仲送100THB打電話~ 仲要打返HK只係1THB/min!平到o咀!! 機場有3間電訊商,無記錯應該價錢一樣的^ω^ 之後就去酒店了!The Continent Hotel Bangkok 酒店係BTS Asoke Exit 2,行天橋行到尾,見到Interchange 21 Tower(Citi Bank),就落樓梯或者兜入Tower入面有扶手電梯!再轉左行幾步就到了! 我估大約2mins就行到!都幾方便! (Copy Image from google map) 酒店仲好好俾我地early check in! 上到房,同官網睇既一樣,走精品路線~ 由於太攰,無影相立即訓左,所以下圖係官網搵的:p 點擊圖片放大 訓到09:30就拿拿行去Terminal 21 - Let's Relax Spa做messages! 但我又肚餓…所以係MRT站買左冬甩食先^ω^ 雖然我地book左10:00,但最後10:30先入到房~ 我地做既係Full Spirit Package,一早網上book+過數有15%off. 所以只係3,900THB(2個人,2hrs 45mins) (磨沙、全身按摩、腳按摩) 按得好舒服,我按到訓著左:p 友人就無訓著,但都覺得ok~ 完左緊係要食埋個芒果糯米飯啦!! 好好食!絕對唔hea~~ 第一日既早上就咁就完左了~~ 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com