今日,我好想同大家share一下我呢個26歲人妻日常工作。 我既主要工作就係格價:p特別係睇旅行package~~ 因為旅行對我黎講就好似甜品一樣! 唔食當然唔會餓死,但偏偏食左一啖就停唔到口~ 所以自從結左婚後,我同友人差不多隔個月就去旅行。 暫時呢年去8個城市~仲有2個城市將會係10、11月去~~ (大家可以睇返之前D post~~) 馬爾代夫+新加坡 (1) (2) - 11月 大阪+京都+奈良 (1) (2) - 1月 澳門 - 2月 曼谷 (1) (2) (3) - 5月 台北 (1) (2) -7月 本身我地係無打算8月去旅行~~ 但由於8月尾係友人既生日,所以無lala又準備出發~~ 成件事既由來就係有一日,我同友人傾緊佢要咩生日禮物~~ 我 : 喂,你就生日啦咼~想要咩禮物? 友人 : 你想諗好左嫁啦~~~~ 我 : hehee~你想要PS4定係要個2日1夜既trip? 友人 : PS4就緊係好啦!短trip就你都有份既~不過PS4你都可以一齊玩~ 最後,友人決定自己買PS4,咁短trip就由我負責了 :p 我同友人今年既假都plan晒黎去旅行,所以得返星期六、日…~ 而友人係8月尾生日…正值暑假…去邊都貴…我仲要8月10先book野…一個字"貴"! 本身想去澳門既~ 平時2日1夜,住5星級酒店+2張來回船飛大約HKD2500。 但暑假嘛…我又遲book…又要住氹仔…點知就得返四季。HKD5,209/night…仲未計船飛!! (傻嫁!過大海HKD6,000!我去日本都得啦!) 就係呢個時間~~我見到東京 - ANA有特價!3日2夜,未連稅HKD2,650/1ppl! 但我地無假…ANA又無星期5夜機去…T^T 但去旅行既心係無咁易熄滅! 就係呢個時間,我search到去大阪 – Peach Airline零晨機去、夜晚機返! 真正玩足2日! 加上expedia有大阪酒店房特價~所以就成行了! 好~~講返重點!到低點樣可以無啦啦平HKD1,200!? 大家都知宜家yen平左好多~ Peach Airline一直都係以10yen = HKD1咁去計錢~ 但宜家其實大約10yen = HKD0.75~ 所以就會出現分開買去程同回程,會比買來回更平!! (因為買來回係以港幣計算~) 例子 : 以來回search 例子 : 分開去程同回程search 來回 : HKD8,0102 單程 : HKD2,910 + 51,440yen = HKD6,768 分開買足足平左HKD621/1ppl!! 而我係上星期買既價錢如下~~ Airline – Peach Airline去程00:35 05:20 HKD903/1ppl 回程21:05 23:55 21,300yen/1ppl Total 2個人機票HKD 5,001~(比起買來回,2個人一共平左HKD1,065) 雖然都係貴~但慳到錢,心靈上既感覺太好了 : ) 希望可以幫到大家啦~~ 而我個心就已經又飛左去大阪了~~ :p 邀稿: wingring417@gmail.com / wingring@ymail.com Instagram: http://instagram.com/wingring Blog: http://pigwing.theztyle.com