每次由沙田入西貢,必定經過"西沙茶座"...但每一次都係經過就算~噚晚終於有機會一行5個傻人浩浩蕩蕩咁過左去一試LA~YEAH!!! 如果唔係朋友有車既話黎哩到其實都幾麻煩...一係係沙田轉299去到泥涌落...過對面馬路就係...一係就搭馬鐵去到烏溪沙再打的入黎... 初初BOOK INSIDE DOOR,但怕落雨,所以轉左入去入面坐...但入面環境都OK...整得幾靚, SERVICE亦幾好...成晚仲有LIVE BAND係到彈下結他唱下歌仔咁...(仲要我地成班食緊蟹既時候,佢係到我地前面唱PRETTY WOMAN...個刻真係幾無奈...) 每枱都餐前小食 (花生,炸魚仔...) ,雖然我無試過,但見全枱人都食完都無乜COMMENT,估計應該都係麻麻地,好食極有限... 5個人最後點左7個餸...本來想點埋冬陰公湯 & 生蝦刺身既,但朋友P話冬陰公自己煮都係幾十蚊,係到飲唔抵...而生蝦刺身又只係得我同C朋友食喎...所以最後2樣都無點到... 蒜蓉炒菜 (其實係唔記得咩菜) ~ 個菜好鮮甜,而且炒得亦唔係好好油...所以一上枱無幾耐已經搶夾一空... 木瓜沙律 ~ 哩個整得好好味...雖然我麻麻地木瓜,但好欣賞個汁,真係好好味...好香青檸得黎又夠辣喎~正! 咖哩炒蟹 ~ 好好味....隻蟹好大隻,佢個蟹蓋大隻過平時食飯個D碗嫁...而個蟹鉗亦有3隻手指夾埋咁粗添~肉質好鮮甜,爽口...個咖哩汁個味反而唔係好濃,不過佢加左D蛋落去煮...所以個汁伴飯/印度薄餅食簡直一流...不過我覺得哩個餸真同"建興"一模一樣咁好味呀! 豬肉碎生菜包 ~ 睇落完全諗唔到,估唔佢會咁辣!D豬肉碎整得細細咁,但都好有口感...不過食落已經覺得其辣無比,仲要慢慢再由喉嚨攻返上黎...哩個真係係KLN CITY好難食到...雖然真係辣左少少,但真係OK喎! 菠蘿焗飯 ~ 哩個似菠蘿炒飯多過似一個焗飯...不過個飯唔算乾身,而係又濕濕地嫁~而且D飯只係暖熱,唔係好熱個種...D菠蘿亦唔係好甜,只係淡淡地味... 炒金邊粉 ~ 酸酸甜甜都幾開胃,但略嫌佢火喉唔夠... 當大家停洒手既時候,總覺得差一樣野未食過,唔得咁...原來就 - 炸蝦餅 ~ 等左一陣好快就到...而且真係即炸好炸上枱...所以仲好熱辣辣...不過炸完出奇地買碟一D油都無...不過個蝦餅又真係幾重蝦味~爽口兼彈牙!!! 間野其實整體上都算OK既然,不過味道真係一般,無以前D人講咁誇張,真係好好味,要必黎~所以無必要/無車的話,未必會再黎第二次... 最尾仲有特別甜品 - 黎自 FUSION 5 TH FLOOR 出品既綠茶紅豆蛋糕 ~ 一個攪攪新意思之作(唔洗次次都係拿破崙蛋榚LA~)可惜蛋榚好淡味...不過口感真係唔錯,咬落去絕唔係鬆泡泡得個樣...綠茶CREAM唔夠濃味...而D紅豆亦無乜味,不過粒豆就幾淋身下,都幾岩老人家食!!!成個蛋樣最特別之處係佢D海棉唔似打橫,而係打直 嫁...(係出面真街真係未見過咁特別既蛋糕...) 而且真係要鳴謝汶汶,係蛋榚上面既DRECATION都係佢親手整嫁...真係整得好靚...特別係個牌 呀! THANK YOU! 不過當飽飽離開之際,發覺唔止自己食飽左,連D蚊都食飽呀...比佢地咬左小腿一啖添...