近期大熱,打開 Facebook 都會見到有朋友 share 有關澳門自助山 buffet 登陸灣仔合和中心的訊息,決定即刻去試試﹗網上面見到好多朋友都話訂座電話一直都打唔通,其實 The Grand Buffet 官方網頁有訂位專頁,填寫好聯絡電話和用餐資料就可以﹗上星期 submit 了 reservation form 之後唔洗一分鐘就有餐廳職員打電話來 confirm booking,方便快捷﹗ 原文:http://heatravel.blogspot.hk/2015/02/hk-grand-buffet.html 我的 Facebook 專頁:https://www.facebook.com/heatravelling The Grand Buffet 位於灣仔合和中心 62樓,360 度旋轉式自助餐廳,餐廳旋轉一圈大約需要個多小時。景致一流,可以一邊品嚐美酒佳餚,一邊欣賞醉人維港靚景﹗ 見到很多人都會特別 request 窗邊座位,但如果係兩個人去的話,我會比較建議後面的梳化座位,比較舒適,雖然不是靠窗,但直望都可以望到全景﹗而且現場所見真正窗邊座位以大檯為主,二 人桌會在四人桌旁邊﹗ The Grand Buffet 入面分了幾個開放式廚房 area,包括海鮮 Bar﹑中式食品區﹑天婦羅區等等﹗食物選擇非常多,而且提供唔少矜貴高檔食物,亦 refill 得好頻密,源源不絕供應,絕對不會被人搶晒就無,去 The Grand Buffet 食回本話都無咁易,保證令你捧腹而回﹗ 海鮮 Bar 上佈滿麵包蟹、阿拉斯加長蟹腳﹑青口﹑攜帶子﹑凍龍蝦、等﹗另外,每日亦會提供三款即開新鮮生蠔,絕對能夠滿足一眾生蠔迷。 點擊圖片放大 +2 食海鮮一定要食最新鮮的,即撈即煮又如何﹖魚缸內養了一隻隻活羅氏蝦,即點即灼,蝦肉緊致,爽口彈 牙﹗ 點擊圖片放大 +3 即炸天婦羅表皮炸得香脆而不油膩﹗ 中式食品區有燒味、粵式點心、燒乳豬、即煮粉麵等﹗點心每天下午新鮮製作,選擇多到好似去飲茶一樣,有山竹牛肉、蝦餃燒賣、韮菜餃、流沙包等等﹗燒乳豬外皮卜卜脆,肉質鮮嫩肥瘦剛好。 點擊圖片放大 冷盤區有 Parma Ham、鵝肝﹑芝士﹑煙三文魚﹑各式沙律﹗ 點擊圖片放大 熱食區美食推介包括螺頭中式燉湯,足料燉製,配料鮮味盡入湯之中,十分滋補。仲有炆鮑魚海參亦亳不吝嗇,不停 refill﹗另外,牛扒亦值得推薦﹗以高溫烤製,肉汁被牢牢鎖緊,肉質軟嫩,肉味濃郁﹗ 食到最後,點可以唔去甜品區作最後衝刺呀﹗長長的甜品 bar,放滿了各式各樣的甜品﹗金光閃閃的巨型朱古力噴泉﹑macaroon ﹑奶凍﹑木糠布甸﹑原粒朱古力、cheese cake、即製窩夫、炒雪糕等,淨係試甜品都試唔哂呀﹗ 點擊圖片放大 +7 愛酒之人絕不能錯過 Wine Bar﹗自助式餐酒機提供紅白酒、香檳及日本清酒,種類多達 60 款﹗只需以 $500 購買一張儲值卡,即可以自由選擇 25ml、75ml 及150ml 的餐酒,用剩的 balance 會全數 refund﹗特別一提,插入儲值卡買酒後緊記要拿回儲值卡,因為真的很容易忘記﹗雖然職員已經提醒過,但買酒後一時興奮就忘記了﹗ 點擊圖片放大