英.德之旅途終於玩完返黎,軀殼雖然巳經回到地球,但靈魂仍然在旅遊中。一如以往,這趟旅程還是輕鬆為主,跑的景點不算太多,總算每處地方都可停下細看。放下腳步慢慢感受才先能感受到是旅遊的真正意義吧。 8 Oct 00:25 香港 > 倫敦 9:10am 倫敦- Heathrow 機場 12:00pm Lunch 2:30 – 3:30pm 民宿 + 梳洗 4:00pm King’s cross station - travelcard 6:30 - 7:30pm London eye 8:00pm 回 apartment 先從香港飛芬蘭轉機到倫敦,芬蘭航空坐位不太窄,正常lor。但....飛機餐好難吃,那份早餐,難吃到放不進口。唯有選擇訓覺吧!搭零晨機出發有個好處,就係可以上機即訓,加上我在ipad 下載了一堆劇集,基本上打下機、睇下電影、睡睡覺,10 小時長途機程很快就過去。 這次轉機時間駁得唔錯,個半鐘的時間不用太趕。 早上機場好冷清呀 從芬蘭到倫敦3小時機程,早上9:10am 便到達希斯羅機場,朝早到,咁就多一日時間玩lor。 聽人說倫敦機場好嚴謹,還擔心過關要等好耐,唔係喎,都係正常程序, 但入境時海關真的會問你問題, 問題1: 黎倫敦做咩 問題2: 黎幾多日 問題3: 除左倫敦仲去邊? 問題4: 點解去? 問題其實都幾無聊,但就係咁無聊你無理由唔識答lor. 順利過完關,第一件事就係買………電話咭 ,之後搵路地圖都係靠佢啦 希斯羅交通接駁唔錯,指示牌亦十分清楚。機場有 underground 可直接出到市區,雖然要搭1個鐘到,但勝在平兼可直接到我住的地方,唔駛轉車。 係地鐵站買左 1 day travel card 搭出市區,雖然之後會到火車站買7 days travel card ,但計過, 1 day travel card只要今日搭到2程巳經抵番,加上方便不用次次購票,先買一張吧。倫敦 underground 巳經有百年歷史,真的深入地底,基本上搭 underground 係上唔到網的,你會見到大部份人都是在看書看報紙。 倫敦地鐵的車廂頗窄 ******************************************************************************** 自由行往往就是有一點小意外,這次也不例外。話說我們到了民宿附近打給 landlord的時候,他告訴我民宿還在清潔中,要2:30pm 才可交給我們。那時才12pm, 即我們要等2個半鐘先可放下行李。 都怪自己出發前唔記得問清楚,失望!但都無辦法呀,好在 tube station 隔離就有一間 cafe, 那坐下等吧 焗薯 + Latte 這個時候又要講一句,好彩有網上,否則......悶死。2:30pm 終於到達民宿。這次倫敦住宿係透過Airbnb book 的,租了一套單位,一來一定比酒店大,加上方便自己煮野食。Apartment 在 Zone 2, 交通十分唔錯。 這就是未來7天的家 這附近都是民居為主,有點像從前外國讀書時的家 巴士站係大廈門口,搭去 tube station 或市中心牛津行等地方都超方便 放下行李簡單梳洗後,便到king's cross station 辦今天的第一件正事,買 7 days travel card. 一張7日可以任搭地鐵巴士,買景點門卷還可享買一送一優惠的車票。 London 真的是一個奇怪的地方,一個遊客,辦理 travel card, 竟然要 passport 相....太唔 friendly 呀! 好彩...我有portable printer, 可以即時print 相。你冇? 唔緊要,附近有即影即有機,只要付出5GBP個大洋就可以。(好貴......) 出發前訂了往牛津的火車票,選了在King's cross station 取票,部機指引好清楚,插入信用咭確定身份便完成。 辦好証就開始今日的旅程啦! 原本今天安排了2個行程 西敏寺 + London eye, 但因為民宿那邊遲了,西敏寺改天再去吧 London eye 的門票我也是出發前於網上預訂,因為唔想浪費時間在排隊上,所以訂了快票。雖然會貴點,但旅行時間有限,可以避免排隊都想避免。 當天真的好好彩,完全唔駛排隊,staff 仲話佢地8:00pm 關門,我隨時上去都可以。 門票除了搭London eye 還包了 London eye 4D體驗,其實就係介紹 London eye lor, 你可以 book private capsules搞party又得, 製造浪漫又得,4D體驗都幾得意,值得一看啦! 我想如果要係英國求婚,彈藥又足夠,包隻 capsules實浪漫死,求婚一定成功! London eye 的對岸就是國會和大笨鐘,亮起燈的大笨鐘好迷人 終於天都黑齊可以上去啦,個capsules 好大,我地3 groups 人一d都唔迫,高空向下望泰晤士河,國會大樓更加漂亮。 點擊圖片放大 +2 London eye 轉一圈大約半小時