如題: Grad trip第三站: 釜山3日2夜+首爾9日8夜 本來成個行程只係去7日,後來仲想去多個地方,但由於旅費有限,所以就改左機票喇 :P 上次去韓國係搭韓亞,今次搭港龍+國泰, 點解呢?!因為有得open jaw!釜山入,首爾走! 咁就唔洗搭2程ktx,而且又貴!!! 香港-->釜山金海國際機場 (機程大約3個鐘) 都算快! 落左機之後出機場,要過對面馬路,再轉右直行就會見到地鐵站!! 個機場比較細,不過都好乾淨!! 上次淨左d won,諗住用黎增t money,但得一張50000won,無理由增50000won落一張卡度=0=好彩死搵爛搵有2張10000won,夠搭車出市區再唱錢!! 係呢個增值過程,有個熱心釜山人路過見到我地雞手鴨腳,特登停低問我地要唔要幫手(用普通話)!!哈哈我心諗: 如果佢可以唱錢比我就好,不過我總不能要求人地咁多既haha~主動黎幫我地已經好感激~佢解釋左一次部機點用比我地知... *注意: 係釜山真係好少t money增值既位置,反而用cash bee card仲好!不過我地仲繼續用t money係因為我地之後仲會去首爾,所以用同一張就唔洗咁煩喇~~不過聽講依家出左張新卡(Korea Pass)係全國大部分地方都用到,好方便!! 有關交通卡d詳細資料可以睇下呢個網: http://bbs.16fan.com/thread-144397-1-1.html 去左酒店放低野就去食早餐,食呢個做早餐有點兒heavy哈哈~ 不過值得一提係: 釜山物價低過首爾!!! 有咩野見到平就好買!! 唔係真係會後悔!! 我諗釜山d物價係首爾係70-80%! 即10000won --> 7000won左右! 有時可能係50%! 以呢d cafe黎講,我食過首爾一間連鎖cafe早餐要$140hkd=口=真係嚇呆左!2杯咖啡+2份三文治(已經減左價)!! 係釜山呢間cafe兩杯野飲+toast都係大約$8/90hkd!! 連搭車都平過人,搭巴士200won咋! 我地落錯車,等第2架再上車都係400won,平過地鐵勁多!!! 食飽就要去南浦洞唱錢, 出發前上網見人寫blog話比光復洞吸引左搞到行錯路,點知我地都係XD 光復洞好多野行~而且成條街都有好多呢個銅像吸引我既目光!哈哈點擊圖片放大 唱完錢就係南浦洞搭巴士去太宗台 交通方法: 地鐵1號線南浦站 (6號出口)落車 --> 轉8, 30, 66, 88 號巴士 --> 太宗台總站落車 入場是免費的! 其實好多韓國大媽同大叔連呢1500won都會慳返,因為佢地當行山咁行,但我地純粹想觀光,而且每個check point都好遠>< 1500won係任搭呢架大象巴士~但座位唔多,好易上唔到車... 落左車,去睇傳說中的五六島!! 其實果陣好大霧,都唔係幾睇到d咩><唔知邊個先係五六島! 太宗台係沿山而建的...所以今日行程係...行山!!!!! 又上又落又上又落! 雖然好累,不過係超值得的! 因為呢度真係好靚呀!!! 可以感受到海風吹埋黎係幾咁舒服!!! 而且風景都好靚!!! 點擊圖片放大 呢度落去就係d食肆,但本物我地唔係想去食野,行錯路落左去=口=跟住又要上返黎!! omg! 我地一心係想去呢舊大石上面!!!! 好似話呢度以前有恐龍!!! 有d化石呀風化物果d睇!! 睇落好危險,其實無咩野,而且呢度吹風仲舒服,雖然我d頭髮已經不受控制,又左又右咁吹=0=點擊圖片放大 下次來釜山都一定會再黎呢度的!!! 因為真係好靚!! 到依家我仲好掛住釜山!!!跟住我地就落返南浦洞食野,唱錢果陣見到呢間食蔘雞湯,於是試下! 唔知正宗既係咪咁,無咩蔘味既hahaha~門口貼住好多明星黎幫襯過~~都okay既!食飽飽又出發!! 本身想去skywalk五六島,但最後決定左調一調行程去甘川洞文化村!! 呢個地方都係我超想去既地方!!!!! 睇相見到好靚好特別!! 去過韓國既朋友都知,無論首爾定釜山,地鐵站都一定會見到呢d超長樓梯...每次見到長樓梯都好沮喪=口=|| 我諗只係香港咁幸福有咁多電梯同lift...行樓梯都正常既..... 下一篇講甘川洞文化村!! 出發!! yeah!!