門司港真係好舒服好悠閒~我地一早出發去到,無咩人,如果無日文字既話,完全唔覺自己係日本,似係外國一d小鎮hea緊~~可能係上午,一去到覺得凍凍地要即刻著褸 :P 今次條路線係: 博多 --> 門司港 --> 小倉 --> 博多 (都可以揀去左小倉先既) 搭左大約一個鐘就到喇~都幾快丫~~ 哈哈我見d blogger話要敲呢個鐘先有幸福定唔知咩,所以我一去到就即刻敲XD 有個女人比我嚇到彈起左haha...唔係成日都會有人黎敲鐘架咩,點解會驚既哈哈 呢個地方真心正! 其實呢d建築物入面有d係展覽館,展覽返以前大正時代既街道果d(好似係?!) 好想去但係無咁多時間~_~所以直接走去海邊附近逛逛 我地坐左係呢d凳上一邊欣賞風景一邊食綠茶雪糕, 真係夠晒hea夠晒正!! 就咁睇相都覺得好有渡假feel~ 日本d綠茶雪糕真係唔講得笑,真係超級無敵好食! 連haagen daz隻綠茶雪糕都比唔上 (緊係啦,唔係點解d人要去日本XD) 登登登登...呢條橋就係好多人介紹既橋喇!! 有咩特別呢,就係佢每隔大約一個鐘就會打開條橋,想用條橋過對面?! sorry,兜路啦! 仲諗緊點解要打開條橋之際,佢就打開左喇,之後有架觀光船就駛左出去大海喇!!! 解答左我問題哈哈~ 呢兩舊香蕉人係門司港好出名!! 但唔知點解咁出名haha...個pose好搞笑XD 聽人講話d水要好清澈好乾淨先會見到水母,我無諗過我係門司港呢度見到!!! 我淨係係海馬公園見過水母咋!!! 真係大發!! 呢個係其中一個遺憾,因為我知道入左呢度我有排都唔洗出返黎haha...由於仲要去埋小倉,呢個館我只好捨棄T__T 屋企人安慰我道: 你前年去過York的鐵道紀念館啦! 差唔多架姐!! 下次再黎啦!! 走啦!! 好啦我下次再黎啦!!! 真係好想影火車>0<日本d火車仲要咁靚!! 唔緊要!我同自己講:有遺憾先會有動力+藉口比自己下次再黎,太完美的旅程反而無呢個衝動!! 仲有仲有無食到咖喱呀>< 係呢度大約逗留左2個鐘...仲有另一個遺憾係...其實門司港同唐戶市場好近,好想去搵下食 :P 同埋呢個地方仲有一個大特點...就係佢同本州連接架!! 有條隧道一路行就會去到九州同本州既交界!!! 不過又係時間關係>0< 残念!! btw, 點都要上車出發去小倉了!!