細個睇TBB節目介紹熊本, 仲有洪卓立唱 ♪ 相戀於熊本 ♪ ~~ 好野終於黎到喇!! 好滾動~~ 由於我地一早買左JR Pass,可以連續3日任搭JR既火車~不過最煩既野黎了...就係要劃位!本身諗住第一晚劃好晒之後果幾日既位,但當時我地以為個窗口收左檔,原來未收T__T 搞到一早好趕咁劃晒黎緊3日既位同埋要趕車~~所以要一早上JR個網check定時間表,揀好想搭邊班車,唔好去到先劃,因為果個人唔會幫你=口=佢係唔會同你講英文(果度只有一個識講英人既staff,但唔好旨意佢,因為人多排隊既時候,佢又幫緊其他人,你又趕住換車飛果時...真係靠自己) 好彩以前學d日文仲講到幾句,而且我做足功課,好快就換晒d車飛了!! 唯一遺憾係坐唔到由布院之森T__T 我仲好期待,早2日劃位都full booking,咩事咁多人呀>< 由博多去熊本係搭新幹線!!我超興奮!!以前試過由大阪搭去東京,但超貴!!如果唔買JR Pass,來回熊本好似都要成萬yen架!所以呢張pass係抵到爛的!! 新幹線仲要有分快慢,燕子係最慢(50mins),櫻花係好快(35mins),仲有架唔知咩仲快少少,但好似一日得2班... 一落車無幾耐已經見到kumamon!!!超開心!!太可愛喇kumamon >3< 係車站買埋わくわく一日券(500yen) 任搭熊本市電&巴士...好彩前面有班小學生都要上市電,我地即刻跟尾上車~好得意,張一日券好似刮刮卡咁刮,我地都好小心刮,因為聽講刮錯左就作廢=0=P.S如搭多過4次市電就抵晒喇!! 好有風格既市電~~但D扶手都唔好扶既,佢一轉彎就好考你既腳力XD 好喜歡熊本的市電, 係路軌上會種草~唔知點解有種舒服d既感覺~好日本的fu,好特別!! 熊本城點可以唔去呢...雖然睇落同大阪城無分別,但入面真係唔同!!! 好想去晒日本咁多個城呢! 熊本城入面有幅圖列晒日本咁多個城出黎~~真心覺得以前d人好犀利!! 咁大舊石仲要舊舊唔同樣,究竟點砌出黎,仲要砌得咁靚咁穩陣!! 係入口買入場券,好似500yen?! 買一日券果陣會附送張熊本城coupon,入場可以減100yen!! 入場費包埋上天守閣既$$ 營運方式同大阪城有點不同~~ 點擊圖片放大 上通町 & 下通町 個人覺得下通町多d野行~~我快要被kumamon淹沒了!!真係周圍都有kumamon既產品,感覺就好似係迪迪尼比米老鼠包圍咁hahaha! 而且呢度仲有好多超級特平既野食買!! 講起食我有點肚餓...條街人少少,好寧靜又乾淨! 真係無唔愛上呢個地方的理由!! 行行下仲比我地發現左有激安之殿堂, 點可以唔入去打返個轉呢XDD 爭d就帶左kumamon袋米返香港哈哈,但我地下午仲有地方要去,根本無可能背住袋米周圍走...周圍都係Kumamon的蹤影,我完全唔捨得離開呢個地方,如果香港有條街全部都係我鍾意既卡通人物,我一定日日去果度蒲哈哈 點擊圖片放大 +5 特登搭市電黎到呢個縣民百貨公司只為影一張貼紙相...我屋企人聽到都呆了XD 雖然好無奈,但都陪我一齊影哈哈! 我覺得來日本點都要影貼紙相嘛~回想係04年我同屋企人去箱根影的那張貼紙相XD 都是回憶嘛不是嗎? 影完好開心等佢出相,點知=0=佢話error...搵百貨公司個姐姐幫我,佢restart部機4-5次都係唔得,最後退錢比我 T__T 好傷心...唔通平日無人影,一影就壞機?! 仲要搭錯車, 原來有分A線同B線, B線係往民居果邊, A線先會去返熊本車站...但我地覺得開心,因為行左咁耐終於可以坐耐d,唔洗再轉車可以直接返車站haha..而且都可以坐下熊本d巴士...張一日券真係抵到爛左 其實本身我地一早劃果張車飛已經過左鐘,因為熊本實在太吸引我地,我地根本唔想走XD 之後即場再劃過張都得...呢個地方我一定會再返黎!! 因為我實在太太太太鍾意呢度喇!! 呢度d人生活既步伐都係慢慢的~好舒服好悠閒,岩我 XD 另一重點係...佢物價真係低過東京好多!!