今次同朋友小聚傾下近況. 當然要搵間可以坐得耐D餐廳啦, 而且有個fd係慳妹但又鐘意食好野, 所以最後就揀左呢間Leaves Desert Cafe啦! 見網上話間Cafe新開重細細間, 本來擔心太晏會無位,(星期五晚食) 好彩有位~ 我個女仔fd同我一開menu睇, 嘩,完全係心心眼! D甜品好多都好特別, 但因為三個人食唔敢叫禁多,哈哈 怕個男仔fd唔夠食, 所以最後叫左兩個意粉,一個小食, 重有當然係最最最重要既甜品啦!:) 餐廳好貼心~ 點左主食會送沙律菜比你, 食定d菜打底無禁肥!!! 之後唔係等左好耐就上左個意粉比我地, 服務員好有禮貌, 而且好體貼禁比曬餐具我地share, 我鐘意去小店既原因之一, 超大碟既芝士白汁立貝意粉, 上枱個下, 我兩個fd都同我同一個反應 禁大碟既, 勁多露荀,立貝 比足曬料 我諗如果比我一個人食會有成半剩~~ 食左唔係好耐再上埋卡邦尼煙肉意粉, 都係超大碟~ (睇佢既高度就知) 個FD重話平時要有到禁既水準 唔比80幾蚊根本食唔到, 宜家呢碟先42蚊... 老闆真係好有良心xp 我覺得佢地既卡邦尼味道好特別, 平時食都會因為唔夠味狂加芝士粉, 但係呢一碟真係入味到唔洗再落, 有無發現佢地既碟好cute呀, 貓貓pattern令食慾更大增! 我超期待既煙肉芝士薯條, 可能因為放耐左, 痴住左, 熱食應該都好好味!! 我既Main Dish!!!!! 超級大份, 超級大份!!!!!!! 三個人食就唔會離譜啦! 烤過既香蕉配pancake真係最佳拍檔, 而且好甜心禁比多左朱古力醬你, 加分!!!! 同埋d Cream 喞到成朵花禁靚就知人地幾有心機啦~ 最後每人67蚊埋單, 食禁多好食既野重唔抵返曬. 大家都去支持下呢間小店啦! 荃灣沙咀道328號寶石大廈地下G2A舖(奶奶雞後面) 聯絡電話:5628 5739 營業時間︰星期一至六: 10:30-16:00; 17:30-23:00 facebook fanpage: https://www.facebook.com/pandaqqhk instagram ‘s id: aringsdairy 想聯絡我可以電郵到:aringlife@gmail.com