繼續頭痛,確實無奈﹗不過,係無奈當中總算找著些安慰,遇到些驚喜﹗﹗ 教完瑜伽,突然有一位聾人老友記同我講,佢既腳痛好了,當知道有人因為你而得到幫助,感覺確實比起錢來得更珍貴﹗﹗ 上完瑜伽,隨意係荃灣走走,居然搵到間好有質素既餐廳﹗﹗無論裝修同食物都算上佳之選,真係無諗過係荃灣既舊既都有好野食﹗﹗ 餐廳係福來邨附近,個頭唔係車房就係五金舖,餐廳就係哩堆唔起眼既舊舖入面,所以感覺份外鮮明﹗餐廳門口用木條同石磚砌成,仲有加單車,係舊區路過,突然感覺清新左﹗﹗ 係荃灣舊區有間裝修雅緻既餐廳,份外吸引 因為係舊區,平日既夜晚無咩客人,大概6時多經過,餐廳裡客人唔算多﹗餐廳佈局舒適,用落地玻璃分開左兩部份,我估大至係分訂檯客人同WALKIN客掛﹗﹗ 一入門口既佈局 一份簡單既餐牌,選擇都叫多,SET DINNER的話,連餐湯、前菜加甜品,HKD200左右,佢地食物既質素都OK架,所以價錢都算合理﹗本來我地想試牛尾,點知店員話經已賣哂﹗﹗ 唔係掛﹗7點咋喎,晚市都未開始﹗﹗店員話大廚每日只預備10分牛尾,賣哂就無﹗﹗下次如果想食,都係訂檯時預訂為妙﹗﹗ 無得食牛尾,唯有揀第二樣啦﹗﹗我地無叫SET DINNER,散叫再加錢變套餐咁﹗﹗所以埋單好似都要接近8百蚊埋單﹗﹗ 餐湯都餐包都好味喎 前菜係煎帶子,啱啱熟,肉質鮮嫰,口感一流 哩杯係另叫既,叫PASSION呀好似,有新鮮既熱情果,好REFRESHING 青口係另加既,都好鮮甜,薯條一般 個豬鞍配蘋果蓉,都好有高級餐廳既質素 羊架都好味,而且無諗過會有條5條骨咁多 甜品就普通左尐 或者你會覺得,比得起哩個價,點解唔去尖咀/銅鑼灣食,咁我覺得,只要食物質素好,邊區都一樣姐。假如近近地就有好野食,唔係仲好咩﹖﹗唔使下下走出旺區﹗再者,地舖餐廳好大既支出去左租金,荃灣區租金應該唔算太貴(純綷個人推測),佢地應該更加可以用合理既價錢維持到食物既質素(主觀願望)。