今日真係無限驚喜,一早起身話準備8號風球,原定WORKSHOP要取消,但就十分平靜,比起周一、二既雨勢,真係好難想像掛左8號風球﹗然後係風平浪靜既下午又變返做3號風球,真係唔知講咩好~~~ 無可否認,我好鍾意落雨,對於我,雨聲係其中一種最好聽既聲音﹗係,除左文字,我仲好鍾意聲音,大自然既聲音,當然,仲有收音機帶來的聲音﹗之但係,說穿了,多少因為懶,小時候覺得聽收音機有無限空間,無限想像。又,因為聽收音機唔使定睛注目,可以邊聽邊做其他野,覺得好似抵左咁,所以由細到大都好鍾意聽收音機,而廣播劇,係其中一個重要環節,時至今日,假如電台有廣播劇推出,都依然會收聽﹗ 其實一般既內容都好簡單,但就是愛聽,也許,算是種童年回憶﹗最近又有一個新既廣播劇,其實還不是老掉牙的故事,講述年輕人在職場上、感情上遇到的種種,其中一位主角係宣傳聲帶裡問,你最老友既朋友識左有幾耐﹗﹖ 最老友﹖唔。。。小學年已開始要處理家庭問題,所以無睱同同學打交道,又無一齊升上同一中學既同學(其實係有,只不過,個個同學係大一那年已經因病過身),所以完全無仍在聯絡既小學同學﹗ 咁中學哩﹖我既大叔,係中一既同班同學,一直同班到拍拖到今時今日,哈哈,算算手指,轉眼就三十幾年,一直相知相交,一齊經歷人生種種高低起跌,親人離世,各種悲歡離合,慶幸同途﹗ 你在那,家就在那﹗攝於玻利維亞 你在那,家就在那﹗攝於德國 除左大叔,其實其他既中學同學,什至中學老師,至今仍有聯絡,仍時有見面,可惜既係,其中最要好既兩位女同學,卻因小誤會而選擇避而不見﹗其實人生匆匆,能遇上已是緣份,相知相交,總會經歷誤會,何苦糾結在結算﹗ 人生一路走來,沿途的新知舊雨,有離開、有加入,能一起走到最後,又能有幾人,何苦根根計較。大概是這樣,我開始喜歡跟聽障朋友接觸,他們都很簡單直接,喜歡不喜歡就直接告知,不用猜度,不用懷疑﹗雖有偶有偏執的性格,但明白了,解釋了,事情木就好了﹗﹗