以前嘅原住民靠上山打獵維生,而山豬就係佢地主要嘅目標喇。 無圖無真相?山豬咩樣? 大家又記唔記得<獅子王>入面嘅丁滿同彭彭呢?咪就係彭彭囉~ 彭彭係好cute冇錯~ 但現實嘅山豬完全相反,又惡又兇狠!分分鐘嚇到你鼻哥窿都冇肉! 山豬哥:你拎住把弓鬼鬼祟祟咁做咩呀~即管放馬過嚟,怕你有牙? 既然豬哥咁囂張,咁就唔好意思,我唯有獻醜喇。射佢! 山豬哥你死梗喇XD 原來同一般大家玩過嘅箭弓有啲唔同,唔好睇佢好似冇咩睇頭好簡單咁, 威力唔輸一般弓箭架! 之但係因乜解究結構咁簡單都可以咁犀利架呢? 呢把自家製多用途弓,真係唔好睇小佢吖, 可以直接射穿隻獵物架,聽講仲有一個不為人知嘅用途添。。。 由於獵物梗係走得快好世界啦,人又冇辦法跑得快過動物喎~ 所以狩獵講求獵人嘅敏捷度、準繩度、夠唔夠冷靜、埋伏同突擊技巧, 去收窄兩者速度上嘅差距; 呢個時候,擁有一把可以隨時加速、跳起就進行射擊嘅弓箭,係幾咁重要。 可以提升打獵時嘅機動性、又能短時間內調較方向、進行不規則嘅射擊動作,讚! 補充返一點,進行射擊動作嘅時候如果支箭有少少左搖右擺都係正常嘅, 因為傳統弓嘅設計係控制唔到磅數嘅,而獵人就係憑經驗去克服喇。 至於傳統弓嘅另一用途。。。好啦開估! 如果想體驗做Plale Hunter嘅滋味, 可以放心,到時會有專業嘅部落成員教大家點玩^^ **建議大家去部落之前先聯絡: 部落負責人(子郡) (國語)Line id : lyungnawi 或者我地 (廣東話)fb inbox: 港里ing 點嚟呢度?撳我啦!