[相機準備好未]第二部曲之「蝶蝶不休」 夢谷瀑布雖然經歷過921大地震嘅無情洗禮,但都完全無損佢嘅霸氣! 溪谷水清澈、澄淨,加上聳立於瀑布兩邊嘅「左右護法」,更添其風采。 呢一幅美輪美奐嘅畫面,喺呢到影張相打卡「呃like」真係fit到漏油~ 夢谷瀑布距離部落大概十分鐘路程左右,沿路嘅路都好易行, 嚟到當做埋運動,perfect池! 行到攰攰地,浸浸腳,等清涼嘅泉水洗走你嘅疲勞, 一字記之曰:爽! 試問鐘意攀山涉水,上山下海嘅你地,呢個咁刺激嘅冒險又點可以錯過呢~? 你話如果啲蝴蝶飛埋過嚟嘅話幾咁就完美喇。。。 部落入面嘅蝴蝶多不勝數,係瀑布呢度都會觀賞到! 連啲蝴蝶都知道「㗎步」喇,鐘意親親大自然嘅您地仲等?! 一於收拾行裝,拎起你嘅相機,約埋親朋好友一齊嚟捕捉佢地誘人嘅身影啦! 行山澗嘅時候記得要注意安全啊~ 點嚟呢度?撳我啦!