2014年10月 剛回來的八天鹿兒島之行(精萃)

上個月最後一個星期五晚由鹿兒島返回香港,又完成了今年第三次自由行去日本的旅程。九州是第一次去的地方,相比本州等大城市的地方,位處九州南面的鹿兒島確實寧靜好多,晚上九點後街道更加少人,其他的地方更加有著濃厚鄉村的純樸味道。

16號出發前的一個星期剛打完颱風,幸好整個旅程一切如常,交通和旅遊點都沒有影響。行程和當初的計劃一樣,大部份都好順利完成,只是去指宿(鹿兒)當日唔希望太趕,所以就取消了去知覽睇神風特攻隊的紀念館。今次行程主要睇火山及見識了一個廵遊。

DSC_00000000S

今次主要入住位於鹿兒島中央站對面的鹿兒島Solaria Hotel

FSC_07380001

20141023_121310

由鹿兒島往熊本的新幹線列車

DSC_01150001

熊本城

DSC_01620001

另外,阿蘇火山由今年八月尾開始因為有大量硫磺,碎石和濃煙湧出,所以整個山頂被封,纜車停駛,只可以由阿蘇站坐巴士去到草千里或再近火山口下的纜車站, 上唔到山頂。八點半由阿蘇站坐巴士在草千里下車行下草原, 原本想等巴士再向纜車站進發,因為要等一個鐘才有巴士,所以最後我選擇行路由草千里到纜車站,無意中在途中發現不斷有直升機昇降,以為係觀察火山活動的政府飛機,行近原來係可以坐直昇機一睹火山口景色的旅程。雖然只得幾分鐘環繞火山飛一兩個圈,不過價錢唔過一萬yen, 所以就飛上去睇下,都幾有趣。

草千里

DSC_04740001

阿蘇火山

DSC_05140001

DSC_05490001

DSC_05310001

而去霧島的一天,出發去日本之前在霧島市的網頁中已得知位於市內的鹿兒島神宮早上九點開始有一個名叫"鹿兒島神宮焦人海濱向下"廵遊。坐火車由鹿兒島到焦人站再坐的士去神宮,可以陪同穿上鎧、盔甲的武士行列從鹿兒島神宮到浜之市港巡遊,實在可以親身體驗當地的文化,是一件今次旅程中一段難忘的經歷。該日行程因為睇巡遊以致行程推遲,到了下午一點過後才去到霧島神宫及高千穗牧場。由霧島神宫到牧場的巴士假日還比平日稀疏,故又要花費金錢坐的士到牧場。下午三點鐘的牧場都幾曬,不過大風吹埋黎都幾涼,牧場有好多草坪,入口處還有個小型花圃。試過當地牛肉串和牛奶雪糕後就返回鹿兒島。

DSC_06860001

DSC_08070001

DSC_08010001

高千穗牧場

DSC_09430001

另一日就去了鹿兒島南面著名景點:指宿;九州特別多觀光列車,不過多數假日才有得坐,而且好難預訂,不過由鹿兒島到指宿的觀光列車:玉手箱號在非假日都有行駛,所以到日本第二日就已經訂定。指宿最出名的熱砂浴,不過我無乜興趣,一到指宿就坐巴士分別到了開聞岳及長崎鼻等地方行下海邊和國立公園等地方,最後就到池田湖附近的唐船峽食流水麵。因為去埋池田湖,所以當日無去知覽。

玉手箱號

DSC_10660001

開聞岳

20141020_112041

五天全九州JRpass最後的一天就去宮崎及日南海岸欣賞藍天碧海,由青島鬼之洗板開始就坐巴士分別去了復活島巨像及岩石下的鵜戶神宫,最後就到了飫肥城町行下。

青島鬼之洗板

FSC_00120001

最後有日半的時間去了樱島火山及仙巖園等地。 該日是唯一下雨的日子,往城山公園展望台或坐渡輪到櫻島,火山頂都被雨雲所遮掩,真可惜。不過最後一日離開鹿兒島之前的上午,我就再去櫻島一次,雖然仲有煙霧,又見唔到火山噴煙的奇景,不過都可以清楚看見火山的樣貌。

FSC_04850001

最後一天再去櫻島

FSC_06100001

FSC_07190001

 

今次影了二千多張相,因為都積壓了上年五月往俄羅斯最後幾天的日記,十月東歐及今年四月京阪奈良,九月的名古屋上高地既旅程未寫,所以今次旅程日記恐怕出年才和大家見面。

日元匯率:7.2-7.5 ; 機票  HK$2800;  7晚酒店接近 HK$4000; JRpass HK$1200; 機場來回巴士 2500yen 再加上飲食, 門票及其他交通費合共用了大約 HK$13500

 

This entry was posted in 日本 and tagged . Bookmark the permalink.
8 Responses to 2014年10月 剛回來的八天鹿兒島之行(精萃)
  1. No need says:

    仲坐埋直昇機添, 近距離望火山,感覺如何??

    • Tony says:

      都幾刺激, 都唔係好驚, 因為唔會起火山口上空經過, 都會隔開少少距離. 係有少少氣流.

      • Lui Man says:

        請問直昇機的乘搭位置在草千里哪兒?是否不用預約? 謝謝

        • Tony says:

          草千里下一個巴士站”ㄟ刂术一卜前"落車見到直昇机位置。坐直升机唔須要預約,只需比錢时填寫一份表格就得。

          • Tony says:

            該巴士站再下一個站就係巴士終站。若唔坐巴士,由草千里行去直升機坪約要20一30分鐘。

  2. No need says:

    神風特攻隊係唔係二次大戰出動過的部隊??
    足浴場好正呀,環境好舒服.
    呢個使費都唔貴喎,買左乜東東手信,post 出黎睇睇.

    • Tony says:

      介乎鹿兒島同指宿之間既知覽係有個神風特攻隊基地, 依家係個展覽館. 我無時間去睇. 你講得無錯, 係二戰未期載滿炸彈的日軍戰機撞向美國軍艦的神風特攻隊.

      • Tony says:

        唔只櫻島, 海豚港及鹿兒島機場都有免費足浴. 環境幾靜又可以吹下海風, 幾正. 手信我無影相, 我買了紫芋果子, 綠茶包和黑豚拉麵等.

Comments are closed.