無可否認"茄汁真係薯仔的好朋友"! 兩者遇上才有如此化學作用, 微微焦的薯仔香味, 外脆內軟, 再配合蕃茄汁的酸甜味, 一個字 -- 無得頂呀!!! 唯一缺點係薯仔比較濟胃, 我這類消化能力差, 要減飯量及節制唔好食咁多薯餅~~ 這薯餅可加入一些其他菜粒, 紅蘿蔔粒, 洋蔥粒(葷食人士)之類, 好讓小孩可食多點疏菜~~~至於酸甜蕃茄汁, 更是另一個亮點, 發現Heinz亨氏茄醬與薯仔比較夾味, 我常煮蕃茄汁的餸, 之前曾用其他牌子, 但今次用Heinz, 發覺效果更加滿意~~~ 只要精通這個醬油, 就可轉化其他菜式 ^^ 這菜重點是乾身, 之前用過做南瓜餅, 但太軟太濕, 不成形, 最後包左餃子; 隔水蒸薯仔比較乾身, 成功率較高~~~ 材料: 酸甜蕃茄汁(杰身) 中型蕃茄 1個 (細蕃茄2個) 紹興酒 2茶匙 龍舌蘭糖漿 2茶匙 (可改用紅糖1.5茶匙) 蕃茄醬 2大湯匙 韓國柚子醬油 1茶匙 (可改用生抽1茶匙) 青梅醋 2茶匙 (可改用果醋2茶匙/米醋1茶匙) 粟米薯餅 (約12件中size) 薯仔 2個細 (或一個大) 粟米粒 2/3碗 素肉碎 2/3碗 Parsley 1茶匙 (可不加) 鹽 1茶匙 How to Make~~ 酸甜蕃茄汁(杰身) 1. 開水煮熟蕃茄, 取出及去皮, 切細粒(切蓉D都唔緊要), 保留蕃茄本身水, 備用 2. 除紹興酒外, 其他醬汁先混好, 試一試味, 按自己喜好多加糖或醋或其他調味料 3. 白鑊下1, 煮沸, 加入紹興酒再煮沸 4. 加入2, 煮沸至杰身(太杰身可加少許水再煮), 即成 粟米薯餅 1. 薯仔去皮切細粒, 隔水蒸20分鐘, 用叉壓成泥, 分幾次加入鹽及Parsley拌勻, 放涼備用 2. 用熱水浸泡素肉碎(用以去減油份及鹽份, 純個人習慣, 可不做); 用豆漿袋隔去素肉碎水份, 盡量隔所有水份 (圖一) 3. 粟米用清水煮熟, 取出瀝乾水, 備用 4. 將1+2+3混合, 拌勻 (圖二) 5. 下少許油, 用細至中細火慢煎; 因所有材料已經熟, 所以煎香至喜歡的程度即可(圖三) 圖一 圖二 圖三 Cooking Tips~~~ 1. 所有材料必須盡量保持乾身, 才可搓成餅形, 下鑊煎 2. 因為有汁醬關係, 所以盡量保持薯餅淡味, 只用鹽調味即可 3. 此蕃茄汁可使用於其他餸, 例如加入菠蘿再炒排骨, 就是酸甜排骨啦; 如加入洋蔥+肉碎/素肉碎, 混入意粉, 就係蕃茄肉醬意粉; 素食人士, 可加入菠蘿, 煎香素鵝, 都好夾架~~~ 4. 用素肉碎有一個好處, 佢本身比較粘所以易處理D(無咁易散), 加上佢已經有底味, 不須再有調味; 但素肉碎多數比較油和重味, 但只要用熱水浸泡一陣就已經解決, 整體來說比真肉碎易處理; 用豆漿袋隔去水份是重點, 否則薯餅會好濕, 不成形 5. 用素肉仲有一個好處, 就係素肉碎本身已熟, 煎的時候可以不須理會生熟問題, 只顧焦的程度就可以, 容易控制D; 如用真肉碎就要顧及生熟問題, 有機會遇到表面黑左但擔心肉未熟的情況 6. 如果用真肉碎的話, 最好用機攪爛的肉碎, 因為會張少少, 混在薯餅內會易成形, 太大粒肉碎比較易散; 肉碎先用鹽(0.5荼匙), 糖(0.5茶匙), 油(0.5茶匙), 胡椒粉(少許), 醃30分鐘; 肉碎比例不可過高, 大約1/3, 因為此餸以蔬菜為主, 氹小朋友多食蔬菜, 肉太多就變肉餅了, 當然最好是全蔬菜啦^0^