好物介紹: Foreo Luna 2洗面機

如果要我推介好物, 非它莫屬–Foreo Luna 2洗面機. 我已用了3年多, 由第一代開始用, 前陣子剛換第二代(就是相片中那部)! 我是用紫色, 是敏感肌專用.

功能我就不多說, 反正官網資料很詳盡. 我只分享用後感, 最大得著係毛孔細左, 平滑左, 暗粒少左. 但這些都不是一朝一席用一次就出現, 我是大約用到半年開始就見到變化. 而每日使用密度, 最少兩次, 一早一晚, 如果要返工的日子, 會是洗三次, 放工後我習慣第一時間落妝洗面(雖然我只有粉底/BB cream及眼眉)時會洗多一次.  仲有一個用途就是, 如有暗瘡或痤瘡, 我洗面時會用Luna停在位暗瘡位一陣, 好讓它震一陣, 這樣粒暗瘡或痤瘡就會快D榭. 雖然在我身上是萬試萬靈, 但始終人人體質不同哦!

怕唔怕太乾淨? 實在係唔怕.  第一, “清潔”和”搽cream做mask”,如兩個只能活一個, 我200%肯定揀”清潔”, 只有真正清潔好皮膚, 之後搽既護膚品才可吸收.  第二, Luna2洗完面係唔會猛猛緊, 摸在臉部的手感係柔軟而乾淨.  只要找到對的產品, 多洗幾次也不會造成傷害.  必須補充一句, 我的皮膚是敏感及易紅, 我自己是用手工皂來洗臉, 因為手工皂成份天然及有甘油來保護我的皮膚, 選對天然又合適的清潔產品也是重要哦!

自從用左Luna之後, 落妝時更加感覺乾淨左. 我的落妝流程: 1. 用自家製卸妝油塗均全臉直至化妝品溶掉, 再用清水洗一次; 2. 如那天眼妝較重, 再自卸妝油塗抹一次, 再過清水; 3. 用手工皂塗均全臉, 等皂液平均分佈全臉, 用Luna在臉上緩慢移動清洗臉部, 洗1分鐘, 用清水洗掉皂液(此刻的手感會是乾淨, 順滑而柔軟); 4. 用乾布印乾臉部, 噴上天然花水, 用Luna機身背面做1分鐘舒緩模式(集中做臉部多細紋位).  完成, 直接塗護膚品.

其他好處, 快捷, Luna2洗面機有內置流程, 其實1分鐘就已經完成整個洗面過程, 再用機身背面做1分鐘舒緩模式, 咁快捷, 完全無藉口唔日日用啦.  不須配合特定產品使用, 絕對可繼續用你平常用開的洗面產品, 因為Luna2清潔功能全因特有的T-sonic技術, 所以完全不在乎你用什麼洗面產品.  方便, 叉一次電用足半年, 旅遊帶著它非常方便.  衛生, Luna2刷毛是矽膠, 易於清洗, 用後放於清爽地方則可.

當年我買時都考慮及資料搜集左好幾個牌子的洗面機, 最後選左Foreo Luna, 果然無令我失望, 一用就返唔到頭.  希望大家試過都話好啦!

至於在哪裡買呢? 第一部我在官網訂, 然後送貨來. 第二部我求方便在百X匯買的. 不過我所知觀塘有一上樓店都有得買, 平少少, 都信得過既, 我其他美容機都在這買.

官網(有影片架): https://www.foreo.com/zh-hant/luna-2

This entry was posted in 個人, 其他, 護膚. Bookmark the permalink.