曾經睇過一個電視節目,介紹香港既蒲台島- 一個唔係成日有電供應既島。 講左好耐要去,今次終於起行,都原來唔係咁易去架。 首先由中環搭巴士入到赤柱,再到卜公碼頭搭船,船亦唔係日日有。 睇過船期表後,星期日及公眾假期既交通係最方便既。 而我當日就係搭早上11點30分既船入去,6點既船出返去赤柱啦。 船票來回$50,經過左30分鐘既船程,終於到達蒲台島啦! 落船後已經係12點幾,首先就要食一食野醫肚先。 去左耀記美食食左泥鯭粥,$30一碗,一碗入面有3條泥鯭,好好味呀! 不過因為太多人既關係,都要等左半個鐘先有得食。 食飽就向天后廟方向走會到達響螺石 之後就開始上山啦(其實係攀石) 因為條路唔係石屎路黎架 點擊圖片放大 途中好多蝴蝶,好似成個蒲台島既蝴蝶都係依隻紋。 行左個幾鐘石頭路加無指示牌既驚慌下,終於駁返入郊遊徑。 點擊圖片放大 +3 好啦,到達燈塔。 依個係佛手岩 行完已經開始肚餓,就去左碼頭附近既士多食野。 食左紫菜一丁麵同上海帶綠豆沙,依到既紫菜真係好味D架! 食完之後就搭返6點尾班船出返去赤柱啦。 -完-