終於又到左最後一日,韓國八天既逍遙之旅又要完喇 咁最後一日又去邊? 哈哈哈…又係行山呀~小妹都係比較中意大自然 今次要去既,就係梵魚寺 去之前,當然又係食返個靚早餐先啦~ 今次要試既係松江三代豚肉湯飯 好多當地人都入黎食,就知好野 點講呢,豬肉雖薄但好夠味,加埋辣醬,咸蝦,泡菜一齊食真係掂呀! 食飽飽當真要起程上梵魚寺喇… 唔知係未仲早呢,遊客唔多,好似我一條友霸場咁~哈~! 點擊圖片放大 +2 行下行下又落雨,其實最後一日先黎落雨有D掃興 但,咁樣反而影到雨後櫻花既美態 點擊圖片放大 行完山總係好肚餓 由於呢餐將會係我韓國八日之旅最後一餐,所以食豪佢(其實邊餐係唔豪?哈哈…) 韓國食牛唔容易,但都畀我撞到間 仲一次過order二人份呀!!!!夠霸氣!!!(實情係冇得叫一人分…汗!) 呢次烤韓牛真係食得好鬼爽….韓牛好味就唔使講啦~ 最正既係有個靚仔哥哥燒畀我食…味道加分!! 肚仔(同眼仔)食完喇,仲有時間…估下去邊? 哈哈哈…答案係,又去做SPA呀!! 睇旅遊書話東萊溫泉好出名,梗係要試啦~ 果然,浸完真係勁爽,至於有幾爽….你試下未知囉~ 浸完返guesthouse拎埋行李就出機場返香港 呢次韓國八日之旅順利完成~再會!!