話咁快就第七日,亦係行程尾二個日 今次要去既目的地就係海雲台喇~ 由於小妹釜山住既guesthouse唔包早餐,唯有早早起身去搵食 起初都想搵下有冇烤肉食下(大愛烤肉~) 但晨咁早就食咁heavy又好似唔係咁好 最後,搵左間韓國連鎖式café – Coffine Gurunaru 登登登…就如相片中所show出黎既,呢度最出名既係蜂蜜奶油吐司 又香又脆,仲有肉桂香味…..再加埋肥肥白白既cream….真係人間美味~!! 再加杯咖啡~絕呀!!!(其實都係好heavy….哈哈~) 食完就出發往冬柏島~ 冬柏島其實係位於海雲台沙灘旁的半島,有行山徑圍繞住 沿路風光又係一絕…. 呢座就係世峰樓APEC 行出去仲望到廣安大橋架! 行完冬柏島,可沿海邊行埋海雲台沙灘 行完之後,又係時間叉叉電 難得黎海雲台,一定要試試人參雞… 而我,又豪一豪佢,一於黎個海雲台鮑魚人參雞!!! 人參雞味道清新,雞肉煮到化,極易入口 至於鮑魚,簡直極品呀!!!鮮甜到不得了~!!!了不起!!!哈哈!! 食到肚滿腸肥,又係時候動一動 一於行去隔離既迎月之丘消化下 迎月之丘其實又係一條山徑黎既 如果櫻花滿開之時黎就真係浪漫死人咧~ 行得差唔多,係時候做下SPA鬆弛下 韓國SPA通常有1) 桑拿 和 2) 汗蒸幕(Jim Jil Bang) 今次我選擇既係溫泉桑拿加汗蒸幕 同去日本浸溫泉一樣,要沖完涼赤條條咁入去浸 浸飽之後,再去汗蒸幕大字形咁訓底….咁就一個下午冇左喇~哈哈 浸完溫泉桑拿,又到shopping時 今次係去釜山大學前商圈行街街 係度可以買到唔少年輕人流行產品架~價錢公道~ 最後,又點少得晚餐呢~? 今次特別D,我選擇左釜山大學既營養學生餐 營養三文治配士多啤梨香蕉奶 呢個組合由早到晚都大把學生食 大大份,有大量蔬菜同蛋白質,只係4000韓元咋!!!YUMMY~