第六天既早上,又係時候出發返釜山 但有一件事好想記錄落黎…. 話說三月正值韓國士多啤梨當造既季節,本來尋晚好想買D黎食下… 點知一買就要一大盒,一個人又食唔到咁多,拎住返釜山又好易爛 最後都冇買到,只係得個恨字… 點知第天日一早起身上廚房整早餐時,發現Guesthouse既主人居然買左一大盆士多啤梨,仲洗好晒寫住”help yourself”… 喔喔喔…實在太感動喇~!! Guesthouse主人實在太親切了~士多啤梨好好味~! 食完早餐又係搭巴士返釜山 慶州返釜山既終點站係老圃(地鐵Metro的1號線站) 由於小妹所選既Guesthouse剛好又係1號線其中一站附近,實在好方便 畀個貼士大家,係釜山玩差唔多全部都可以靠地鐵,買1 day pass (4500韓元)實冇錯,因為你只要搭得三次就回本架喇~好似小妹咁,一日搭6,7次都得,去好多唔同既地方食野同玩都唔知幾爽~ 一放好行李,就即刻出發去釜山博物館 點知又見到櫻花正開~ 其實唔係對歷史有興趣呀….係對韓服有興趣~ 佢裡面有免費文化體驗,其中一樣就係試穿韓服 而我,就選擇左醫女造型,除去圍裙就係平民款式 (本人長相都係唔公開喇~哈哈~) 當然有唔少人問我做咩做醫女,而唔做皇后公主….就連同我穿韓服既姐姐都問 其實做咩又有咩所謂,可能同職業有關啦,醫女可能合我個性一D 反而係我媽媽睇完張相問我做咩要做下人….SOSAD… 玩完就去食野,心裡面係咁韓牛,八爪魚,烤豬肉咁…完全冇方向 最後畀一間店外面大大隻八爪魚吸引行左入去就坐低 當然,問題又黎了,餐牌完全冇漢字又冇圖畫,根本唔知點叫好 阿豬媽同我兩個人指黎指去都完全唔知對方講緊咩…. 本來心諗,死啦~叫唔到唔通咁樣衰行返出去~!? 阿豬媽突然好醒,行去其他客人度拿一些”樣版”畀我睇 完來呢間係食炒八爪魚架,哈哈!!! 坐定定,再望下四周,發現呢暑店應該係好出名 因為有好多電視台訪問既海報 味道?唔使講…我從來唔知八爪魚可以咁鮮甜好味架!! 為左佢再去釜山都值得~!! 食完又坐地鐵去龍山公園,順便減減個肚腩 哈哈哈,睇黎呢幾對情侶好有誠意,咁高都掛到 順住公園行落去就係光復洞 本身我係預左今日主要係SHOPPING既,當然大開殺界啦~ 另外,光復洞美食街亦有唔少小食 好似呢個甜餡餅,外脆內流心架~ 仲比我食到即整既分子雪糕呀!!!! 晚餐?仲邊食得落丫~哈哈哈哈哈…..