第五天既早晨,先去睇下世界文化遺產 — 佛國寺 慶州大部份景點其實都好集中,好似上一篇既景點,其實全部都可以行到去 但佛國寺距離市中心較遠,要坐10或11號巴士先得… 仲有一點,慶州巴士係冇任何漢字站名,所以必須查清楚目的地既韓文名,上車時再問司機叔叔 當然,司機叔叔都唔識答你(笑),但睇完個名就會指示你幾時落車,然後自己再GPS一下啦~ 巴士一般費用都係1500韓元,約十多分鐘一班 清晨既佛國寺比較少人,到左下午就好多旅行團黎架喇~ 點擊圖片放大 +2 黎得佛國寺,可順便上埋石窟庵,都係世界文化遺產之一 上去只得一架循環線巴士12號,每小時一班(位於佛國寺站落車處附近) 其實連接石窟庵同佛國寺之間有一條山路,約行個多小時 既然時間尚早,就行行山徑啦~ 呢D就係吐含山既露水,隨便飲~ 落完山D氣力又用得七七八八…直接走左入停車場某餐廳醫肚 唔知大家有冇聽過,去旅行總要隨心做下D冇事先安排既事,分分鐘會有驚喜 原來係真架~!!!呢間店既豆腐鍋,好好味呀!!! 又香又滑,可能係用吐含山既水黎造,最衰我唔識問阿豬媽啦…哈哈哈~ 食飽飽又係下一個景點 – 新羅千年公園 其實10或11號巴士都可以到,反正都係循環線 呢個公園其實係集合左幾個韓劇既拍攝現場而改建 所以行行下你會覺得熟口熟面… 點擊圖片放大 +2 而每日都會有兩場表演,如果夾到時間,係呢度都可以消磨一個下午架 行完公園又係時候晚餐 有間叫大邱排骨既店,佢地既排骨湯相當出名,所以要去試試 果然,看似清澈既排骨湯居然味道十足,唔簡單呀!! 食完又行左陣東城路購物街買野先安心(實在太多特價貨,又靚又正!) 返到去就執定野準備明天返釜山喇~