終於都到第四日喇!! 係Guesthouse食完早餐就拿拿聱執埋行李去機場,準備回釜山 其實由釜山機場去慶州好容易 只要在金海機場3號閘出,直望到既巴士站坐往浦項既巴士就可以 每一小時一班,逢30分開出 (例如: 10:30, 11:30, 12:30 etc.) 車費為9000韓元,時間一小時左右….仲坐得好鬼舒服架~!! 由於落機都差唔多成12點,坐得車去慶州再check in埋已經兩點幾了!! 好‧肚‧餓‧呀!!! 原本一心想去間出名既韓式料理店醫肚 點知山長水遠去到,居然死都唔肯賣一人份… 眼見二人份又太多,雖然肚餓都食唔晒架,唔想浪費食物 於是死死氣去搵另一間… 誰不知天無絕人之路,畀我搵到另一間正野 – 鄉村包飯 哈哈哈…係未唔講得笑,呢個牛肉鄉村包飯套餐都只係13000韓元 有成23款伴菜….人生總是充滿驚喜架!!! 食飽飽終於有氣力上路~ 先黎既係大陵苑,天馬塚 原本想去埋皇南大塚同瞻星台,其實就係對面 但之前黎慶州時去過就唔再去喇~ 取而代之係去左校村 係呢度可以玩到韓國古時既民間遊戲,仲影到初開既櫻花 到左雞林喇,如果開晒櫻花一定勁靚…好可惜! 呢度係半月城,係未成幅電腦桌面咁呢…哈哈哈… 其實石冰庫都係半月城內,但冇咩特別,只係石室一個 再去係雁鴨池,好多人話黃昏去最靚,大家覺得呢? 到左夜晚,個肚都仲飽飽地,真係要要去濕平消化下至得 所以,城東傳統市場以及東城路購物街絕對係好選擇 個人認為如果想要買平野,慶州真係唔錯,記得拎定多D彈藥呀!!