22JAN2017(SUN)_ 今日GE故事係由搬運開始,事關我已睡了兩晚機場附近的酒店,係時候要出城了! 矮小的我要推著一個到我胸部高度的巨GIP,另加一GIP一背囊,轉左一次車,順利來到HAMMERSMITH的酒店,途中有個波蘭男人幫我拉了一段路,感謝佢。 英國高樓大廈不多,更不會有LIFT,好彩酒店個男人幫我拎行李。搬運巨型石頭之後,完全無睡意,決定立即出發去大笨象那邊朝聖!!!!!!因為搵巴士站搵唔到,問左一個女仔,佢親自帶我去,原來佢係由紐西蘭黎呢度WORKING HOLIDAY的~仲交換左FB~ 到達PICADALLY CIRCUS,好興奮,見到傳說中的OPERA THEATER,之後行左去國家美術館,嘩~係一大個廣場! 好有氣勢! 之後沿路行經御林軍和馬仔站崗的地方,同佢地合照,最後,到達大笨象.........................好夢幻.....IS IT REAL? 唔係好相信自己雙眼....相對上,倫敦眼就只係一個巨大摩天輪,MELBOURNE STAR仲靚過佢。 或者自由真係人類與生俱來需要和渴望的。我反而覺得自己每一步都輕左,更加感受到自己喜怒哀樂。2016年實在過得太消極同不快,已經無唔離開的理由。 係我印象中,大笨象係PETER PAN飛過的場景,親身來到,厭世的我真係諗,就算我而家死左,都死而無憾。。。 要整理的思緒太多,心靈同關係一樣脆弱,我連電話網絡都無埋,一個人迷失於陌生城市,是否就是我想要的? 行行行,我的三吋不爛之腿行過了LONDON EYE,SEALIFE水族館,史迪加館,沿泰晤士河去到踩板場,BLACKFRIARS橋(工業FEEL),最後到達千禧橋,千禧橋尾就係倫敦最出名的教堂ST PAUL'S CATHEDRAL,我去個時已經無得上頂,係入面坐左一輪,一出門口就發現個小袋條帶爛左.....都唔知係唔係係教堂坐時比人界爛的。 之後又行到LONDON BRIDGE,係咁多條橋之中最醜的一條。之後搭左一程巴士,就去到地標中的地標- TOWER BRIDGE!!!!!!!! 當然,TOWER BRIDGE旁的LONDON TOWER係一大驚喜!!!係個度食左個三文治,睇住條橋,百看不厭,親身踩過條橋,印象中的積木橋變左巨大板,又係好唔真實。 之後去左BOROUGH MARKET,再去埋KINGS CROSS影HARRY PORTER 9 3/4月台,個月台其實係係間專賣店隔離,且長期人頭湧湧,排隊排左半個中,但佢拋頸巾真係拋得好好,而且係得職員先影到條巾識郁個個效果。是日完。 PS: 街頭常賣的甜花生真係好香且隨處可見。 PPS: 一個人除左要照顧自身安全,亦令自己對每件事物的感受加倍深刻,因為少左個人傾計分心=) PPS: 真係好中意倫敦!