港島區的山唔係最多人介紹，偏偏自己住港島 但係港島的山都可以好靚，唔淨只大潭水塘等等。 今次諗住行個輕易山，上網睇到一個看似簡單一小時路線 入到去我話比大家聽，快嘅三個字都行完，耐嘅可以行兩個鐘 首先赤柱出發，可以喺筲箕灣十四號巴士入嚟 而我選擇左係赤柱大街搭的士出發去赤柱炮台，唔使跳錶 軍營門口就唔好影相或者大叫啊，側邊有樓梯左上 大約十至15分鐘到，就會去到平地黑白柱 絕對唔係普通路，喺黑白處轉右入去 一直跟住絲帶行。 呢條路要小心啊，因為好多碎石好滑，要手腳並用。 落雨後冇可能行到，最好帶埋手套。 跟住就見到右手邊有舊大石，繞過去右邊石落 落左舊石見到右邊一條小路啦，記得係大石右行 不斷係啲草叢度穿插，記得著長褲！跟住絲帶行 比啲草打下塊面，好快又見到下舊石， 經下面石路過 條路更斜，直情滑落去，小心。。 過咗嗰度走啦，記得着長褲如果唔係刮死，加食好多蜘蛛網 到喇！犀牛石後面其實有條繩可以爬上去 但係其實係好危險絕對唔建議，女仔更加冇可能上到 我就用左大約一個鐘至個半鐘落到去。 由犀牛石上返去我哋只係用咗三個字，上山容易落山難 出返去赤柱炮台其實有巴士站，6A或者14號 可以出返赤柱大街食返個Dinner先走架 點擊圖片放大 +6 難度:**** 時間:1hr .來回2hr 路線:可從筲箕灣出發14號巴士/中環6A/赤柱出發的士 赤柱炮台下車 留意：路段十分多碎石，滑又斜，好危險 記得帶齊行山裝備，特別手套/不滑的鞋/長褲/最重要蚊怕水 最好三四個作伴 遲啲會將片放上Facebook 如有興趣毛利其他介紹可去: Facebook: 毛利遊 Molly's Travel Instagram: moneymollyxx
