天陰陰又大霧,最好行水塘啦 好在我夠醒,由山腰行返落水塘, 如果唔係就又要行返孖岡山條天梯 搭巴士係大潭水塘道/黃泥涌水塘公園落車 沿斜路上,就會見到黃泥涌水塘公園,仲有得撐船仔 如果早來,都想係水塘撐返個圈 沿水塘側邊條路再行幾級樓梯落去,就上去紫羅蘭山徑,再行右邊 一路行冇分叉,不過太大霧睇唔到風景了 中途有好多懸崖,要小心,其餘都係樹林 我自己比較怕昆蟲,蝴蝶也太多了吧。 一個鐘左右,到達分叉,右下樓梯去紫崗橋 好熟悉嘅樓梯,因為之前孖岡山就係呢條樓梯落去啦 大潭道行返上嚟應該好辛苦 去到紫岡橋睇,路牌左轉落去大潭篤水塘 路比較崎嶇,要小心 好快就見到大潭水塘啦, 沿路去做會見到幾個水壩 點擊圖片放大 +2 十分輕易嘅路程, 行得快嘅話兩個鐘都可以完成 有睇我寫blog, 都知道我哋會介紹你地去覓食啦 行返出去過對面馬路搭小巴返赤柱,10mins 坐係赤柱大街度,望住風景,好有渡假嘅感覺 成條大街都食過咁制,除Pizza Express 外最好食 呢間餐廳嘅係值得一去,已經第二次喺呢度食 最推介Fish &Chips .大大份又好食 呢支Elder flowers and lime cider 我覺得好清新,正 另外仲有必食推介,就係個Lemon Tart!!記得食呀 如果唔想咁肥,可以調返轉Stanley坐6號上返黃泥涌 交通:6號巴士/41A巴士,黃泥涌水塘公園落 時間:2-2.5hours 難度:** 景觀:*** Facebook : mollystravelbook Instagram : moneymollyxx