成日都聽人講行菠蘿山,實則搵起上來, 跟本好少人介紹路線,我都在山上分叉路猶豫左好耐。 來之前都怕會唔會多樓梯。 今次係為左佢個小峽谷而來。 喺巴士總站落車,小學後面有條路直上。 上斜後見到涼亭同大閘就岩喇。 丄山路全部斜路,會有點吃力 半小時左右會見到大樹,行前多少少就係分叉路啦 我揀咗最右手邊個條山路行上山,見到大部份人其實都係行左邊嘅石屎路 因為冇實質路牌所以都係靠Google ,右邊條路沙石較多,都有少危險 但好快上到,再直行就見到啲芒草啦 好快到小峽谷,見到危險指示就岩喇,繼續向直行基本上得一條路 *各位要小心,路段都幾危險,會好滑腳。* 斜路落返山,到稔灣路右手邊就可以出返嚟下白泥 大約半個鐘,出返去車路可以選擇繼續向右行睇日落(搭車都得) 因為我哋好早已經完成,而且一出去就見到有小巴去元朗 因為太攰關係都冇再去大棠睇紅葉同摘士多啤梨。 交通: 是次選擇旺角搭58x到屯門良景邨總站落(約45mins) 路線: 菠蘿山>下白泥>元朗 難度: ** 需時: 2 hrs INSTAGRAM : moneymollyxx FACEBOOK : mollystravelbook