今日去經過尖沙咀寶勒巷,點知發現有驚喜,決定試一下。 巴黎冰室 內面裝修行懷舊Feel岩曬我^^ 點擊圖片放大 睇一睇餐牌,侍應哥哥介紹左我地食特餐《粟米芝士撈薯仔麵》$56 同推薦食下午茶餐《生炸雞肶薯條》$36 《粟米芝士撈薯仔麵》出場! 薯仔麵好彈牙,上面有隻溫泉蛋加白汁粟米煙肉碎,好似"杰"身既卡邦尼汁。 2小片多士焗到脆卜卜,相當可口。 最有驚喜反而係炸雞肶,勁大隻,有一個拳頭甘大! 一咬落去口感超脆!個皮有好似食緊薯片既聲咁! 而且肉質都仲好滑,唔會炸到老曬乾曬皮。 整體黎講,十分滿分既話, 《粟米芝士撈薯仔麵》6 個LIKE,《生炸雞肶薯條》8.5個LIKE 下次再食一定要叫夠2個炸雞肶餐!