香港中立黨,係一個自稱中立嘅香港政黨,喺2016年9月9日成立,宗旨係「對世界上所有嘢,都唔分正邪或者善惡,對一切都保持中立,代表中立嘅人發聲」,目標係「將中立聲音帶入議會,同埋成為執政黨」。 咁香港中立黨通常做啲乜呢?以下我會好好咁闡述一下。 喺闡述之前都係想講講啲嘢。香港中立黨嘅其中一個目標就係成為執政黨,但係佢哋喺2016年12月4日就發表聲明話,佢哋一直無企喺最前線參加今次嘅特首選舉(正確啲講係小圈子選舉),同埋認埋佢哋選擇咗自己,係佢哋嘅懦弱[1]。咁即係呢個黨好易放棄原有目標,以後分分鐘連政綱都可以放棄唔遵守。我喺度呼籲全部人,對呢件事要保持中立,千奇唔好「是其是,非其非」。 香港中立黨唔似得一般嘅政黨咁會通常以黨嘅形式公開高調咁上街宣傳自己或者上街表達意見。冇任何大眾傳媒嘅新聞報道,或者社交網站可以顯示得到,中立黨有咁做到,所以中立黨一定冇咁做到。 香港中立黨通常係喺佢哋嘅Facebook專頁發出聲明,頻率幾高至到超高[2]。超高就係一日之內出咗超過1篇聲明,而一個星期之內出咗超過4篇聲明,幾高就係一個星期之內出咗超過3個聲明。畀啲例子你,2016年9月10日,香港中立黨喺佢哋嘅Facebook專頁發出咗超多篇聲明,《回應天文台發出黃雨暴雨警告聲明》、《歐洲沙灘足球賽選址中立場舉行之聲明》、《本黨對註冊社工應否紋身聲明》、《本黨對支持者表示「香港勝在有香港中立黨」聲明》、《回應坊間對本黨黨徽質疑》、《回應朱凱廸議員提議入住立法會大樓之聲明》等等,即係佢哋嗰日之內出咗超過1篇聲明,而嗰個星期之內又出咗超過4篇聲明。詳見香港中立黨Facebook專頁,可知香港中立黨有咁做。 香港中立黨通常發出嘅聲明內容係關於咩呢?就係近排發生或者近排佢哋先知道嘅事。詳見佢香港中立黨專頁,可知香港中立黨有咁做。 香港中立黨就係通常發出關於近排發生或者近排佢哋先知道嘅事嘅聲明,發出聲明嘅頻率就係幾高至到超高。 注: 1:https://www.facebook.com/hongkongpartyofneutralpeople/photos/a.1564821076877264.1073741828.1564455963580442/1679808895378481 2:https://www.facebook.com/pg/hongkongpartyofneutralpeople/photos