日本實在美食處處，即使機場亦不例外，絕對可以有好西食！如果碰巧下機時間撞正午飯時間，不妨去以下我介紹嘅餐廳醫咗肚先繼續行程呀！ 【東京篇】 1. 焼肉チャンピオン（燒肉冠軍）@羽田機場國際線 呢度以A5和牛為主打! 點左個上燒肉御膳，我地再加大肉的份量1.5倍，非常滿足。 A5等級和牛油花好多，入口即溶，同時牛味好岀，幸福！ － 價錢：¥3500 好味指數：❤️❤️❤️❤️❤️（5❤為最高） 抵食指數：❤️❤️❤️❤️（5❤為最高） 除咗燒肉，呢個都係燒肉冠軍人氣話題作－－和牛燒肉壽司！ 好食呀，入面包佐泡菜、燒牛肉等，層次豐富，配合特有醬汁十分惹味。 － 價錢：¥720（四件） 好味指數：❤️❤️❤️❤️❤️（5❤為最高） 抵食指數：❤️❤️❤️（5❤為最高） 2. 松風庵かねすえ@羽田機場domestic terminal 2 蕨餅控就係見到蕨餅唔理幾遠都會買><為左買呢盒蕨餅，特登搭shuttle bus去terminal 2(羽田機場)! 一盒450g，份量好多，每件都沾滿黃豆粉，Q彈既口感深得我心，呢間好似池袋都有分店嫁！如果好似我咁只係東京轉機，咁就唔可以錯過喇。 - 價錢：¥1100 好味指數：❤️❤️❤️❤️❤️（5❤為最高） 抵食指數：❤️❤️❤️（5❤為最高） 3. 門左衛門麵串@羽田機場domestic terminal 1 東京羽田機場真係好多好野食，就咁食碗蕎麥麵，呢間竟然會有自己嘅製麵工房喺餐廳入面！！！好勁！ 點左天婦羅蕎麥麵，天婦羅炸得薄脆又鬆化，蕎麥麵口感都唔錯，機場食都只係50幾蚊港幣好抵呀。 -價錢：¥850 好味指數：❤️❤️❤️❤️（5❤為最高） 抵食指數：❤️❤️❤️❤️❤️（5❤為最高） 4. 成田機場閘外 成田機場雖然無羽田咁大，但都俾我遇到平靚正鰻魚丼！！係日本食鰻魚丼普遍都要¥3000，但呢個只係¥2030已經兩層鰻魚舖滿飯面！不得了！ 鰻魚厚肉又爽彈，仲好食過築地果碗， 推薦。 － 價錢：¥2030 好味指數：❤️❤️❤️❤️❤️（5❤為最高） 抵食指數：❤️❤️❤️❤️❤️（5❤為最高） 除咗平靚正鰻魚飯，呢碗鯖魚蕎麥麵都ok架！ 我本身好鍾意食鯖魚，所以見到咁大條都好開心。蕎麥麵口感雖然唔算特別出色但係都收貨既。 不過總之強烈建議黎到機場一定要係閘外食，入咗閘先食一定會後悔！同埋個人都係覺得鰻魚飯正好多！ - 價錢：¥1030 好味指數：❤️❤️❤️❤️（5❤為最高） 抵食指數：❤❤️❤️（5❤為最高） 5. 茶之環@成田機場手信店 東京買番黎嘅手信- 茶之環抹茶butter cake，確係正！抹茶味極濃郁回甘，口感濕潤，茶之環果然係高質出品，呢個香港專門店好似冇得賣架！ 一齊share黎食就岩岩好啦。 - 價錢：¥1600 好味指數：❤️❤️❤️❤️❤️（5❤️為最高） 抵食指數：❤️❤️❤️❤️（5❤️為最高） 6. とんかつまい泉@羽田機場domestic terminal 2 羽田機場見到好多日本人買呢間既便當，930am已經好多賣晒，就買左一盒試下，不過始終凍晒，所以真係唔好食.d飯好硬，炸豬扒厚粉得黎又好硬，最穩陣係d薯蓉。如非必要，可以唔使試。 好味指數：❤️❤️（5❤為最高） 抵食指數：❤️❤️（5❤為最高） 【北海道篇】 1. ラーメン一幻＠新千歲機場 黎札幌點可以唔食拉麵！ 新千歲機場3/F有個拉麵道場，一早做定reaearch要食「一幻」，結果原來全世界都有做research，係全場唯一一間要排隊。 好彩只係排左10min，唔算特別耐。點左鮮蝦味噌特濃湯頭，湯頭係鮮蝦加豚骨熬，個人覺得個味雜左D， 反而另外一碗鮮蝦原味更鮮甜。拉麵掛麵度好，但我覺得整體都係鹹左少少，個人都係鍾意關東關西濃而不鹹既拉麵多D。 價錢：¥780 好味指數：❤️❤️❤️（5❤為最高） 抵食指數：❤️❤️❤️❤️（5❤為最高） 2. ドライブインいとう豚丼専門店(豚丼名人）＠新千歲機場 呢間豚丼名人不少日本人都力推，點左呢個最基本既豚丼已經好好食！ 十勝豚肉調味惹味，淋得黎又有肉味，highlight係個汁， 價錢已經包埋漬物同麵豉湯，好豐富， 不過我另外點嘅里脊肉豚丼（1512yen)更值得一試！ d肉又淋又爽，更加推薦，不過係數量限定，見到記得點呀- 價錢：¥972 好味指數：❤️❤️❤️❤️❤️（5❤為最高） 抵食指數：❤️❤️❤️❤️（5❤為最高） －－－ 北海道遇上50年最強暴風雪之旅－－行程裝備篇 北海道美食攻略懶人包（甜品篇） 更多日本美食+韓國美食介紹可去: Instagram Blogspot Ublog BE She GetReadyHongKong Email: tung42329@gmail.com
