~BB沖涼都可以護膚~愛上QV Baby溫和潔膚露及QV Baby cream

阿囡一直都好鐘意沖涼,但之前用過一隻沐浴露有d敏感,我即刻上網搵下有咩牌子係低刺激配方 。搵到隻澳洲牌子叫QV Baby,佢d產品寫明係無色素同無香料,而且性質溫和,我就買左佢隻溫和潔膚露同QV Baby cream比阿囡用,用完無敏感之餘d皮膚仲潤左!

FullSizeRender (1)

 

先講下沖涼啦,阿囡用緊QV Baby溫和潔膚露,買呢隻係因為佢有15%甘油成份幫皮膚補濕,而且講明不含肥皂,唔怕阿囡澀眼。之前佢用過一隻好香好香嘅沐浴露,我又無特別留意成份,結果用左一排就開始有少少敏感,沖完涼之後見阿囡會R身,又有少少紅色點點。好彩轉用左QV Baby呢隻潔膚露之後就無再敏感,所以d成份真係好重要,而家呢隻仲可以幫阿囡補埋濕,沖完涼皮膚唔會繃緊。

FullSizeRender (2)

 

BB仔當然唔少得要搽cream滋潤下,我揀左QV Baby Barrier cream俾阿囡用,如果出街嘅話一定會放係袋,見佢一乾就會搽。呢隻QV Baby cream最正係除左滋潤皮膚之外,仲可以預防尿布疹或者皮膚敏感,因為搽左佢之後會有層保護膜係阿囡嘅皮膚到,咁就唔怕受到刺激而敏感。

用左呢2隻產品差唔多1個月,每日幫阿囡沖涼換片都覺得佢d皮膚真係滑左,最重要係無敏感又唔會乾!其實BB仔嘅皮膚薄過大人嘅皮膚好多,又好容易受刺激而敏感,真係要小心揀d成份低刺激嘅產品,千其唔好求其買!

 

This entry was posted in 個人, 家居, 親子 and tagged , , . Bookmark the permalink.