今日和大家介紹的餐廳位於深圳,我知道好多人都喜歡北上吃喝玩樂,今次為大家介紹一下呢間文青餐廳,佢開左都一段時間喇,而我都食過幾次,一直都好想帶D朋友來食。希望今次佢地會比我引誘到啦!哈哈 餐廳有分露天雅座同室內,我自己喜歡室內,冇咁熱又唔洗吸二手煙!加上室內環境寧靜,行完一日攰攰地真係想悠閒咁食餐飯,傾下計。 餐廳主打一D綠色健康食物,感覺清新健康,加上環境令人好relax 。今日試左一個意粉同一份三文治,雖然同香港價錢差不多,但份量多少少,你睇下我份三文治大過我塊面喇!意粉不軟不硬,剛剛好,味道亦唔錯! 點擊圖片放大 另外每次黎到,我都最鐘意叫gaga水果茶,大大杯又多生果又好飲,我見好多顧客都叫呢杯,實在不能錯過!佢每個時期都有一D限定飲料,唔同既花茶果茶,今次有杯叫紅顏,賣相都不錯!如果幾個朋友一齊飲就好D,我覺得太大jar一個人好難飲得晒。 點擊圖片放大 呀!有樣重點,佢係有Wi-Fi既,不過我從來都connect唔到,好無奈⋯⋯ 去去片先~ 環境★★★★☆ 食物質素★★★★☆ 服務★★★☆☆ 抵食度★★★☆☆ 整體★★★★☆ gaga鮮語 人民南路2028號金光華廣場一樓(金光華廣場正門) xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx Like our Facebook Page:https://www.facebook.com/loveatgirlsss/ Instagram:loveatgirlsss